Tulaai Leitung Thuthang tuamtuam te Updates (Nov 02)

Tulaai Leitung Thuthang tuamtuam te Updates (Nov 02)

Daw Aung San Suu Kyi Rakhaing gam ah
Leitung in agensiat nenua kawmkaal ah taangkokhollopi in Daw Aung San Suu Kyi Rakhaing gam buaina lianpi apianna Maung Daw kuam leh Bangladesh tawh gamgi teng ah Nov 2,2017 Ni in vazin a hamsatna thuak mipi te leh Makai vaaihawm pawlkhat tawh vakimu hi.VOA

DV Lottery Vaai

News York Khuapi sung ah mi-8 taihlum in ngongtatna abawl pa peen DV kan etna tawh US ongluut hi a DV vaai khawlsanding hi ahoihna omvetlo ci in Preaident Donald Trump in November 2,2017 ni in genkhia hi. Tua ban ah hih mingongtat pa in ama liamma akibawlna Zato ah IS ten Dialkhai kasilh nuam cih ngen sawnsawn ahihman in President Trump in nawhtak a thukhen a thatlumding zahdong genkhia hi.VOA

Falam te leh Zomi te

Falam Khuapi Veeng-4 suahding cih Kawlgam Hlutdaw pan akhensatna uhtawh kizui in Zokhua leh adang khua-6 kiphiat in Falam Khuapi ah gawmding cih Hlutdaw thukhensat lungkimlohna November 6,2017 ni ciang Zokhua ten lungphona nei in Chin State leh Pithongsuh Hlutdaw dong ah phuktoding uhhi.Tedim Vanleeng Tual kilamloding cih izakciang Zomi te anuamlua maw aheh maw theilo facebook ah share ngeingaai hehdan acuamcuam! Gampua a om Famlam teng sum kidong in Falam Zato lam nading 400lk khak uh.Zomi ten Tedim Zato pi leh Sangpi facebook ah lam ngeungaai innlamdan acuamcuam!!

President Trump Asia ah

President Trump maikaal sung Asia gam ongzinding a China bang in President Ping tawh North Korea vaai leh sum bawlkhop ding vaai naakpi in kikumding uhhu.Tuaban ah South Korea,Japan gamte ah zong zanvaaksuak ding hi.CBS

North Korea kitom kik sawm

US President Donald Trump Asia gam sung ongzintawh kituak lian in adiipngeek anasak mahmah in North Korea ten Nuclear thautang lawn khading uh hi kithawithawi ta ci in South Korea Parliament ah Nov 2,2017 ni kituh liang in MP ten gen ngeingaai uhhi.VOA

US Secretary Of State Kawlgam Zinding

US Secretary Of State Mr Rex Tilletson November 5-7 Japan paiding a tuakhit teh Kawlgam zong baangding ci in State Department ten Nov 2,2017 ni in taangko uhhi.VOA Thang Khawm Pau