Tulaai Leitung Thuthang tuamtuam te Updates (Dec 06)

Tulaai Leitung Thuthang tuamtuam te Updates (Dec 06)

Israel gam I Khuapi Jerusalem ah kilaih
Israel gam I Khuapi ding peen Jerusalem khuapi hi ci in kiciamteh ta hi ci in US President Donald Trump in December 6, 2017 ni in Official in taangko khia hi. Tua kipan in Isreal gam sung a US Zum thupi teng Jerusalem Khuapi ah kituahtading ci hi. Israel Prime Minister Benjamin in Jew minam ten Jerusalem Khuapi peen Israel khuapi hiding ci a athungetna leh alam etna peen kum 300 vaalta ci in gen a Trump tung alungdamna thu genphapha hi.

Saudi Arabia King Salman in hithu peen Muslim te onggawtna hi ci in December 6, 2017 ni in genkhia a Arab Muslim teng sopah litlit uhhi. Iran Supreme Leader Ayatollah Al Khamenei in Leitungbup a Muslim teng kithukhat a hithu thalnial ding In December 6,2017 ni in taangkokhia hi.Jerusalem buaina ongpian leh akeemding in US gaalkaap te ready khin ta hi. BBC

US vs North Korea

South Korea leh US ten North Korea nuaivui ziading kisinkholhna rehearsal December 4 nipan kipan Korea tuipi tung ah nasiatak in bawl uha, US gaalkaap 1,000 vaal leh Gaal vanleeng 300 vaal kihel hi. Hih gaaldo kisinkholhna ah nidang a akitam ngeilo Sikha gaalvenleeng, amangziauziau thei te leh guahzukbang bomb tang azusakthei B-2,B-21 Bomber te zong kihel uh a December 8,2017 niciang hialbawl ta ding uhhi. North Korea Leikhamangpi Kim Jong Un inbel NKorea state media pan US leh South Korea te Nuclear tangkhat khawng duh a kisaankeei uh hilodia cihsan hithiat hi. VOA

Putin in kuanglui kikding

Ongtungding Russia gam kiteelpi March kha 2018 ciang kum 2000 kumpan thuneihna alata athuneimahmah leh amin ngah mahmah Russia President Vladimir Putin in kuang kaluikikding a President kadem kikding hi ci in December 6, 2017 ni in pulaakkhia ta hi. Azenen in maikum march kha akibawlding kiteelna ah zokik leh 2024 kum dong thuneito ding ahihi.CNN

Pope Francis kimawhsak

Kawlgam leh Bangladesh ni-7 sung ongzin ahi RC makaaipi Pope Francis Kawlgam sung ongzin sung in Kawlgam sung a om biakna makaaite ngetna tawh kizui in Mivom te agenciang Rohingya zangloa, ahizong in Bangladesh gam a om Rohingya Muslim refugee tetawh akimuhkhopna ah Rohingya cih kammal khat zangkha se ahihman in Human Rights group tuamtuam te in mawhsana nei ngeeingaai uhhi.Pope peen cidam tak in December 2,2017 ni in Rom khuapi tungkikta hi.VOA

AU ah Nu le Nu Pa le Pa kiteentheihna

Australia gam ah asawtnaailo neih kibang kiteentheihna tawh kisai mipi lungsinlaakna aneihna pan adeihlam in zo mawk ahihman in Australia thukhunpi ah koih nading thukhunbawl taangmi te in nasiatak in kikupna neipah uha December 7,2017 ni in kisakna taangkokhia tading uhhi. 7 News Sydney – Thang Khawm Pau