Kawlgam ah Buddha lim vai tawh thongkia New Zealand gammipa

Kawlgam ah Buddha lim vai tawh thongkia New Zealand gammipa

Kawlgam Yangon ah abeisa 2014 December kha kipatlam in New Zealand gammi khat Bar akici zu zuakna sai khat hong hong hi. Asai pen mi theihnading in Promotion hongbawl a, Kawlte biak Buddha pen bilngaihna Headphone bulhsakkha citciat ahih manin Kawlbiakna abia te’n zadah mahmah uhhi.

Tuahang in Religion Act tawh mat hongthuak a, Insein thong ah kikoih hi. Hih New Zealand gammi pa minpen Phil Blackwood kici khat hi a, kum 33 phakhin hi. Asai min pen “V Gastro Bar” ahihi.

Tuni 14 January 2015 ni in thukhenzum Court ah a 5 veina thusit thuak a, athu bangmah khencian omnailo hi. Atawmpen kum 2 bang thu tanthei ding in kigen hi. Amahtawh akimatpihzong Kawlgammi anasem mi 2 om a, Tun Thurein leh Htut Ko Ko Lwin cih minnei te ahi uhhi.

Hihvai hangin Kawlbiakna abiate hehmahmah uhhi. Thukhenna zumpi ah apaisial in Buddhist Monks te’n zuiden uh a, heh mahmah uhhi. Ama sitni Defence Lawyer pa nangawn pen Kawlbiakna bia te in mawhsak mahmah uhhi. ZD Sawltak #zomidaily