Tulaai Leitung Thuthang tuamtuam te Updates (Nov 04)
Saudi Arabia ah thautang tu
Saudi Arabia gam Riyadh Khuapi a om vanleengtual nawl ah Yemen gampan kikaap thautangpi khat November 4,2017 ni in Saudi gaalkaap ten nakaapkhiaman in mipilak tulodeuh hi ci in Saudi thunei te in gen uhhi. Khuasung inn khawng linggawpzo ci in khuanu khuapa te in gen uhhi.BBC
President Trump Japan tungta
US President Donald Trump azi Malania Trump te Asia gam sung ni-12 sung zinkawikawi ding in Japan gam Yokota vanleengtual November 5,2017 ni zing in tungta a Japan ten Japan Zozu tawh namuakpah ziahziah in Pi Malania Trump acingding in Japan Palik Numei te Special tak in nakoihsak uhhi. Trump Asia gam a om sung in China, Veitnam, South Korea leh Philippine gamte zong vangaih hawhding hi. Pu Trump Asia gamsung a omsungteng ahuuding in US + South Korea + Japan gaalkaap te Vantung Vannuai ah kilekzialzial uha, North Korea Leikhamaangpi Kim Jong Un innpua pausuakngamloding in vaubawl gawp uhhi.CNN
North Korea In Nuclear thau lawnkik ding
US President Trump Asia gamsung a omsungteekteek in amittawh amuhtheiding in North Korea in Nuclear thautang sinkikding in kigingkhinta hi ci in South Korea thukan pawl National Intelligent Service (NIS) ten November 2 ni kong kikalhkhup khinkhian in thukikup amankhit uhciang taangkokhia uhhi. US Secretary Of Defense Mattis in bel Nuclear thautang a lot hunhun un US gaalkaap ten misisa kua siikkhak bang in avui atangtawh buaksuk ding ci in gen hi.CNN
More: President Trump’s Washington Hotel ah pasal khat thau pawlkhat tawh kiman
Senator Rand Paul kisuam
Kentucky Senator Republican Party Rand Paul pen a teenna inn ko omna Bowling Green Khua ah November 4,2017 ni in Rene Boucher kici papi kum 59 phalkhin khat in thahsawm in nabusim a Senator pazong kidaal nakhop nakeemsam ahihman in tawmbek liam in papi misuampa palik ten manpah uhhi. BBC Thang Khawm Pau
Comment piaknop aomleh...