Kumpi suahtheihna lampi

Kumpi suahtheihna lampi

1. David pen Goliath that dingin gamlakah a pai hilo hi. Goliath that dingin a Pa’n a sawl hilo hi. A U te anpuak ding, a omzia ending bek in a Pa in sawl hi.

2. Josepth zong Egypt gamah kumpi sem dingin a Pa in sawl lo hi. Gamlak ah a U te anpuak ding bek in a Pa in a sawl a hihi.

3. Saul zong kumpi hihna sathau a kinilhsak dingin a Pa in sawllo aa gamlak ah a mang ganzong dingaa pai a hihi. A Pa sawlbangin ganzong hilel hi.

David in a Pa sawlna mang hi. A Pa’ sawlna lampi pen Pasian sawlna lampi hiaa Pasian in tua lampi ah Kumpi Suahtheihna Lampi honsak hi.

Joseph zong kumpi suaknuam in gamsungah a pai hilo hi. A Pa’ thumang in a pai a hihi. A Pa’ cihbangbang a thumanna sungah Pasian in Kumpi Suahtheihna Lampi koihsak hi.

Saul zong kumpi ut in a vakkhia hilo hi. A Pa zahtak hi. A Pa cihbangbang niallo in a thumang hi. A Pa’ sawlna bangin gan zong in a paina pan in Pasian in Kumpi Suahtheihna Sathau na nilh lian hi.

Sanggam, na Pa thumang in. Na Pa’ hong cihbangbang nial tengtung kei lel in. Na Pa’ zahtak inla a thumang photphot peuh in.

Na Pa’ thu na manna sungah Pasian in cidamna, ma vanna, hauhna, khansauna, pilna, lawhcinna lianpi te bekhilo in Kumpi Suahtheihna Lampi hong honsak ding hi.

Na Pa’ thumangin. Pasian in thupha hong pia taktak ding hi. Na Pa’ hong sawlna lampi mahah Pasian in Sathau nilhna hong pia ding a hihi. Ih Pa’ thu mangni. Rev.Dr Khai Khan Suan thuhilhna tomlak/ Siamsin Library