Video: Circus lahna ah Sahang ki taisuah in naupang 2 petkha
China’s Northern Shanxi Province sung aom Linfen City ah Circus akilah laitak Sahang ki taisuah cimawk hi. Sahang akikepna bawmsung panin ataikhiat ciangin, mipi te lauthawng mahmah uh a, taikek ngeingai uhhi.
Circus pawipi enin aom mipi te lakah naupang 2 tepen tua Sahang in phuaikha in liam uhhi.
Hih Circus pawipen Hongtong County sung aom Linfen City khuasung munkhatah “Temple Fair” ci’n Sente biakna pawikhat ah alakding in akisam ahihi.
Tua Circus akilah ciangin sibawmpi sungah Sahang kikoih in, akemte’n ciangtawh dawtin aki mawlpih ahihi. Mipi te’n munuam mahmah uh a, tua Sahang kikoihna bawmpi geinai ah nehcip in, umcih ngeingai uhhi.
Agei ah amukha te’n agenna ah tua Sahang Circus akilah laitak in akimawlpih te’n Sahang pen hehsakkha in, tuaciang in kitomgawp in akiaukhat panin phukhia in apualam ataikhia cihi.
Tua Sahang ataikhiat laitak Video zong kizaihkha in, mipi lakah Sahang taikhiamawk ahih manin, mipi te patau in lauthawnggawp uhhi.
Video: Tiger mauls two children after escaping from circus enclosure as panicked crowds scream in terror
Local Authorities te genkhiatna ah tua Sahang pen asawtlo in ki mankik theipah cisam uhhi. Ahi zongin naupang 2 naphuai khaman veve hi. Tua naupang 2 tezong nuntakna beilawh liangdingin bangmah liamgawpna omsamlo cibilbel hi.
Tuciangciang tua Circus lakte pen hih buaina vaitawh bangmah thu akibawl omnailo kici hi. Azanni mahmah inzong pasal kumtamkhin khatin Circus Tiger khat an apiaksawm laitak in, akhut pehsak cimawk hi. Akhut petsak in, khahkiklo a, Minute 3 sungkhawng akhut pehsa in lencip cihi.
More: Sahang te nekding in ahingtang in aki khiasuk lano phawkna mualsuang kibawlsak
Zandiak mahmah inzong Paris khuasung aom Circus kilahna munkhat panin Sahang khatmah ki taisuah in, mipi adingin lauhuai ahih manin, thunei te’n kaplum uh cihi. Circus leh Magic lahna tepen khatveivei tuahsiatna Accident tawh kizomthei zelzel hi. Sawltak #zomidaily
Comment piaknop aomleh...