Malaysia, Kuching ah Operasi lutin gamdangmi 108 kiman

Malaysia, Kuching ah Operasi lutin gamdangmi 108 kiman

Malaysia, Kuching ah abeisa kalsung in State Immigration Department te’n Operasi bawlkawikawi uh a, akigawm in mi 108 mankhia uh cih zanhalni in Immigration te’n Statement khahkhia uhhi.

Hih Operasi alutna muntepen singtawh vantuamtuam “Wood Products” akibawlna singset Factory te ah alut ahihi.

Tua akiman tepen gamdangmi Permit kician neilo in Malaysia gamsung ah nasem in aguk om “illegal immigrants” vive kici hi. Statement aki khahkhiatna an mi 106 pen Indonesia gampan hi a, adangkhat India panleh acianlai khatpen Bangladesh gammi cih NST pan kiza hi.

Akiman mi 108 lakah numei 23 kihel uh a, Indonesia gammi vive ahi uhhi. Work Permit kician neilo, Travel Document neilo, anei tezong akum beikhin “Expired” cihte hangin mat athuak uh ahihi.

Sibu khuasung aom Factory Premises mun 2 ahzong Operasi lutin, ahi zongin tuamunte panin kuamah mat kineilo cihi.

State Immigration Department director Ken Leben in agenkhiatna ah Operasi pen ahunhun in kibawl totoding a, hih State sungah gamdangmi aguk om “illegal immigrants” aomloding in ki hanciamding hi ci’n genkhia hi.

Related: Malaysia, Johor ah Operasi lutin gamdangmi 111 kiman, Myanmar 22 kihel

Tuaban ah nasepnei Boss (Employer) te’zong anasem “illegal immigrants” te aselsim, apanpih aomleh thukhun ombangin thu kibawlding hi ci’n genkhia hi. Sawltak #zomidaily