Malaysia, Kuchai Lama vengsung aom Condo khatah Bomb neukhat kimu

Malaysia, Kuchai Lama vengsung aom Condo khatah Bomb neukhat kimu

Malaysia, Kuchai Lama vengsung aom Condo khatah Police te’n khutlot Bomb “Hand Grenade” te khat mukhia uh cih Bernama pan kiza hi. Guihtheih khamtheih Drug azang pasal khat akimatna panin tua Hand Grenade aki selsimzong aki theikhia ahihi.

Drug zangin akimanpa pen kum 40 gualpawl hi a, tua apuakkhamthei Hand Grenade pen abeisa kum 2 hunlai in Thai gamsung panin alawmte khatin apiak cihi.

Hihvai tawh kisai in palik thuneipi ahi Kuala Lumpur police chief Commissioner Datuk Mazlan Lazim in agenna ah tua Hand Grenade tawh gitloh ngongtatna bawlsawmlo hi ci’n genkhia hi.

Kuala Lumpur, Jalan Kuchai Maju sung aom De Tropicana Condominium ii kahleinung hawkguam gei ah tua Hand Grenade pen aselsim hi a, Bomb Squad te’n lakhia uhhi. Tuaban ah De Tropicana Condominium sung aom tezong ki hemkhiasak in, tuakiimteng ah apuakkhamthei vandang aomhiam ci’n hoihtak in siansuahna nei uhhi.

A puakkhamthei Bomb azonsiam ui “Canine Squad” zong zangin tua vengsung tengah zongsak kawikawi uh a, bangmah aki muhbeh lohciangin lunghimawh nading bangmah omlo hi ci’n tua Condo sung aomte amau innciat ah ki ciahsakkik hi.

More: Malaysia gamsung biakinn leh pawibawlna te ah Bomb asukkhapsawm IS migilo 3 kiman

Police Chief in agenna ah hih apuakkhamthei van hangin mipi te bangmah lunghimawh, patauh nading omlo hi. Aneipa in kumpi thunei te matding lauthawng ahih manin, leisung ah aselsim cihi. Tua aselsimpa pen Drug vankham zangding in ki ummawh a, aki matkhit ciangin thusitna akineihna panin khutlot Bomb neute khatzong aneihlam akitheikhia ahihi. Sawltak #zomidaily