Kuala Lumpur khualaizang aom Restaurant nih meikang
Malaysia, Kuala Lumpur khuasung aom ansai Restaurant 2 te tuni Tuesday (Mar 21) in meikanggawp cih theSun pan kiza hi. Kuala Lumpur khuasung, Jalan Nagasari, Off Jalan Raja Chulan aom Restaurant hi a, Pavilion Shopping Mall leh Times Square te tawhzong ki gamlalo hi.
City Fire and Rescue Department operations centre chief Samsol Maarif Saibani in agenkhiatna ah amaukiang sun 1:50pm hunpawl in kizasak ci a, Hang Tuah, Pudu, KLCC Fire Stations panin meiphehlding in Firefighter mi 24 in delhtheipah cihi.
Meikuang pen khauhmahmah himahleh 2:25pm hunpawl in meikuang kiamtuam zawdeuh a, nitaklam 3:13pm hunciangin ki phelhsiangzo taktakpan hi ci’n genkhia hi.
Hih meikatna hangin asi leh aliam pen kuamah omlo bilbel hi.
Firefighters tezong mei aphelhkhit ciangin asungah khatvei lutkik uh a, mei am khatpeuh aomhiam ci’n sitcianna neihbeh uhhi.
Khuasung khualaizang ahih mahbangin khuasungvak mi tampitak in enzihziah uh a, Video leh Photo zaihnuamzong kiphuziahziah uhhi.
More: Sengam ah Hotel khat meikang, mi 10 si, aliam tampi om
Meikat kipatna taktakpen kumpi thunei te’n kansan laitak uh a, ki theician nailo hi. ZD Sawltak #zomidaily
Comment piaknop aomleh...