Kahlei – Mizat ~ JK Kam

Kahlei – Mizat

@ Ka nuntakna sungah ka phutkhak haksatna-nopsakna, simmawhna-angvanna, langpanna-panpihna, guallelhna-gualzawhna, kiatsukna-kahtohna, nenniamna-lapsangna, deihngahna-ngahlohna, thu le late khempeuh in Pasian’ hong sehsaksa MUN ka tun theihna dingin KAHLEI banga a kidawh “Pasian’ Vanzatte” ahi uh hi.

@ Nang tawh hihdan a ih ki zopkhak theihna zong hihmun, hihhun ah hihdan in MA a pang dingin “Kei adinga Pasian’ MIZAT” na hi hi.

@ Ka nuntakna sunga thupiang teng sutna laibu ki gelh hileh NANG zong na kihel kha dinga, NANG kihelna tawh ka nuntakna a kilam khawm hi gige ahih manin kei adingin MI THUPI mahmah khat na hi hi.

@ Mi khatpeuh adingin AHOIH / ASIA khat zawzaw a sepsak ding, a Kahlei dingin Pasianin NANG hong zang thei ahih manin, kahlei koizaw ah MA na pang nuam hiam?

@ A kahpa sangin KAHLEI HOIH ahi pa mi hampha hizaw gige a, KAHLEI SIA ahi pa zong mi hamsia zaw hi gige hi.

@ Mikhat nuntakna innpi kilamna KAHLEI ah ahoihzaw lampang a Pasian’ MIZAT hih ding utzawk in nei thei tek hizen lehang maw … ih leitung nak nop ding hiven…! A mipa sangin Ei (a kahleite) a thahat zaw – a thupi zaw ki hi gige dinga mete … ih nuntakna nak thupit taktak ding hiven maw….!

(JK Kam)