ZYA – Tonzang ah Tonzang khuabup phial lutkhin

ZYA – Tonzang ah Tonzang khuabup phial lutkhin

Khuakhat tuikhat, vengkhat pamkhat, sikhat sakhat, tuinak khat anekhawm Tonzang khuapi atengkhawm teng in nopna dahna ah ki uap liailiai in kinuampih kidahpih theihna ding lunggulhna tawh ZYA-Tonzang ah kigawmkhawm khinta uh hi.

Tuni (July 10, 2019) in ZYA-Tonzang te’n innvakna leh pawlzotna hialbawl ta hi. ZYA-Tonzang ah akihel nuam nailo khat leh nih aom teei hang in khuabup i 99.99% ZYA-Tonzang ah lutkhin ta hi.

Maban Ding:

July 13 ni (Saturday) Pa Mung Laan Thang’ inn (Sitpyan road, Tonzang) ah kimuh khopna sun 12:00 pan nei ding in nitak an nekkhopna tawh zomsuak ding

• Veng khenna (ZYA Unit) nei ding
• Veng makai ding tel ding
• Khuabup khawmpi vai kikum ding

Amanlang thei pen in Khuabup khawmpi sam ding.

• Department tuamtuam khen ding
• Department makaite leh veng makaite biakna makaite’n Pasian’ tungah apna leh kiciamna neisak ding
• Khuabup ankuang umkhawm ding

Hunsau maban

• ZYA zuminn leh hall neihzawhna ding
• Ambulance neihzawhna ding
• Blood bank neihzawhna ding
• Hunbit in nasep zawhna ding etc….

Lungdam, Mung Laan Thang (Secretary, ZYA-Tonzang)

Mitaimang Hong Tungkik Ta

Nikhat thu in Laaitui vatung in Laaitui te’n Tonzang hong puak uh a, azingciang in Tedim gam Tongsial ava tung leuleu Nang Sian Khual (S/o Pa Dai Khan Tuang) tuni (July 09, 2019) in atanaute’ cialna om bang in ZYA-Tonzang in Tongsial ah vala hi.

Amah pen nikhat thu in gamla pipi tung ziauziau thei hi. Anu’ ihmut kal in taikhia hamtang se hi. Tawlette akihong theilo ding in abawl uh hang in hongthei veve hi. Electronic van khawng deih mahmah lai hi. Khat veivei phung dang khawng ah aluaisa in kimu thei hi. Ni khat thu in Mualpi leh Khampat kawm thei cimawk hi. Lamdang mahmah hi. Khua za in zong pau thei napi khua zalo apau theilo bang in om hi.

Tuni in ZYA-Tonzang te’n Tongsial ah vala in anu’ kiang ah ka ap khit ciang un thu ka ngetsak uh hi. Akuama peuh in ih sanggampa Nang Sian Khual pen Pasian’ Vantungmi te’n ana cinsak ngiatna ding in thungetna ah phawk tek ni maw. Lungdam, Mung Laan Thang (Secretary, ZYA-Tonzang)