KLCC gei ah singkungpi banghang apuk hiam?

Update: KLCC gei ah singkungpi banghang apuk hiam?

Monday zingsanglam in Malaysia, Kuala Lumpur Convention Centre (KLCC) geinaiah singkungpi khat abulpan kilongkhia in, Motorcycle tawh apai mi 2 dengkha hi. Hih singkung abulpan aki lokkhiat, apukna ahangtawh kisai in mipi in kitheinuam mahmah hi.

DBKL “Kuala Lumpur City Hall” te’n agenkhiatna ah hih singkungpen azungteng henggawp ahih manin apuk ciziau uhhi.

Hih apuk singkung pen apualam panin aki etciangin acidam mahtawh kibanghi. Apualam panin singkung ii azungte bangci om cih kimutheilo hi ci’n Statement ah genkhia uhhi. Ahi zongin apuk ciangin azungteng dawkkhia in, ahenggawp acidamlo ahihlam kitheipan ci uhhi.

More: KLCC gei ah singkung ah abul panin kilongkhia in puk, mi 2 liam

Hih apuk singkung pen Raintree namkhat hi a, Malay pau in “Hujan-hujan Species” akici singkung namkhat ahihi. Hih singkung pen kum 130 bang upakhin dingin ki gen a, Kuala Lumpur khuasung ah ateekpen, a uhampen singkung hiding kici hi.

DBKL te’n agenna ah Jalan Ampang dungteng ah kumkhat in nihveita Maintenance kineiden in, singkung te velcianna kinei cihi. Abeisa nungkumsung April leh December khasung inzong akineikhin ahihi.

Singkung in adenkhak tepen Motorcycle khattung ah atuangkhawm uh ahihi. Sunday ni in akiteengcil nupathak kici sawnsawn a, Monday ni in singkung in dengkha in azi pen tudong khuaphawk nailo cih kiza hi. Sawltak #zomidaily

KLCC gei ah singkung ah abul panin kilongkhia in lamkhakcip in puk, mi 2 liam

Tuni Monday zingsanglam zumkah, nasemding in aki buaimahmah Rush Hour hunlaitak in KLCC gei ah singkungkhat abulpan kilongkhia in, lamzikpi khakcip in puk cih Malaysia Local News tuamtuam pan kiza hi.

KLCC akici “Kuala Lumpur City Centre” geinai aom Jalan Ampang tungah tuzingsang 7:45am hunpawl in singkung golpikhat apuk hi a, lamzikpi te’n khakcip hi.

Hih singkung apukna hangin kuamah asi omsamlo a, ahi zongin mi 2 bel nakliam mahmah uhhi. Tua aliamte pen zatui kibawlding in Kuala Lumpur Hospital ah kipuakpah uhhi.

Jalan Ampang pen nisim in aki limzat mahmah, Bus Road khat ahih manin, hih singkung apuk ciangin lamzikpi khakcip a, Traffic Jam piangsakpah zihziah hi.

Aliam mi 2 tepen Motorcycle tawh apai laitak in adengkha hi a, Motorcycle ahawl “Motorcyclist” leh anungah atuang “Pillion Rider” te anih un aliamgawp uh ahihi. Hih Motorcycle atuangkhawm aliam mi 2 tepen nupa kici sawnsawn hi.

Hihvai tawh kisa in DBKL “Kuala Lumpur City Hall” te’nzong Twitter tungah Update abawlna ah tua singkung apukpen KLCC panin Avenue K zuanin apai lamzikpi tungah aki puksuk cihi.

Hih buaina hangin Fire and Rescue Department leh Traffic Police te’n aphual ah delhpah uh a, khuasung Traffic te nawngkaisak mahmah hi.

Kuala Lumpur Fire and Rescue Department director Khiruddin Drahman inzong hih tuahsiatna pen zingsang 7:30am hunpawl hi ci’n Bernama te tungah genkhia a, aliam mi 2 tepen Kuala Lumpur Hospital ah kipuaksak pahhi ci’n genbeh hi.

More: Kalaymyo zuanin apai Aircon Bus khatin singkung taihkha, mi 6 liam

DBKL te’n lamzikpi siansuah kipanpah uh a, ahi zongin zawhpaktheih omlo ahih manin, tua lamzikpi anawkding peuhmah in adang lamzikpi te totzawkding in ki hanthawn hi. Zanhaldeuh mahin Malaysia, PJ sung aom Kelana Jaya LRT meileng Station huihin mutkhia in, ki khakcipliang hi. Tu’n Malaysia gam ii KLCC gei khuapi laizang tektek aom singkungpi khat abulpan in kilongkhia in tukbiabua mawk hi. Sawltak #zomidaily