Klang Valley sung tuihawmkhiatna aphualpi ah apuakkham om, mi 5 liamgawp

Klang Valley sung tuihawmkhiatna aphualpi ah apuakkham om, mi 5 liamgawp

Malaysia gamsung, adiakdiak in Klang Valley sungteng tuisik hawmkhiatna “Sungai Selangor Water Treatment Plant” ah apuakkham om ahih manin, mi 5 peuhmah liamding cih NST pan kiza hi.

Selangor, Ijok aom Sungai Selangor Water Treatment Plant kici tuisik siansuahna leh hawmkhiatna ah puahphatding om ahih manin, tuivaisak nasem te’n Repair Works asem uh ahihi. Tualai ah tuni Tuesday nitaklam 5pm hunpawl in Vessel System pen apuakkham ahihi.

Hih Repair Works nasepna ah akihel pen Syabas akici “Syarikat Bekalan Air Selangor Sdn Bhd” leh SPLASH akici “Syarikat Pengeluar Air Sungai Selangor” te ahihi. Hih Company 2 tepen tuivai asaipi uh hi a, hih Company panin nasemte’n puahphatna aneihlaitak in apuakkham kici a, aliamzong amau nasem mite ahihi.

Hih tuahsiatna tawh kisai in Syabas Customer Services leh Corporate Communications Department Head asem laitak ahi Abdul Raof Ahmad in agenna ah tuisik siansuahna “Sungai Selangor Water Treatment Plant” ah nasepding, puahphatding tengpen akiman hita hi. Tuisik hawmkhiat kiktheih nadingin Operation aki patkikma in tuibem Treatment Plant panin apuakkham ahihi ci’n genkhia hi.

Tuisik hawmkhiatna ah akizang Surge System khatin nasemlo, System Failure om ahih manin, 1.1 Meter apha tuizawn Pipe agolpi 2 apuakkham cihi.

Video: Businesses hard hit by Klang Valley water disruption

Hihbang tuahsiatna apian laitak in aphual ah National Water Services Commission (SPAN) Representatives, Pengurusan Air Selangor Sdn Bhd leh SPLASH Staff tezong aomlaitak hi ci’n Abdul Raof Ahmad in genkhiatbeh hi.

Nasem aliamte pen nakliam mahmah uh a, ahi zongin aliamna akician in kitheician nailo hi ci’n hih Press Release akibawl laitak in Company te’n genkhia uhhi.

Tuisik hawmkhiatna Water Treatment Plant ah puahphatding pen geelsa in akinei hi a, ahi zongin hih tuahsiatna hangin tuisik hawmkhiatding pen kipelhding hi. Tua ahih manin Klang Valley sungah tuisik hoihtak apailoh hundingpen ani tamto semsem khading a, ahi zongin nibangzah ki behlaploding cihpen ki gencianthei nailo hi.

Nasepvai tawh kisai in Company thunei te’n ahunhun in mipi theihhuai khatpeuh Update kibawlto zelzelding hi.

Tuisik apailohna munte ah Lorry Tankers tawh tuisik ki puaksakding a, Water Supply hoihtak in aki ngahkik mateng alemding in ki vaihawmsak dinghi ci’n thunei te’n genkhia uhhi.

Hih tuisik pailohna “Water Supply Disruption” hangin vengkuam 498 sungah inn 546,000 Account Holders takin nawngkailawhding cihi.

More: Tedim Siangtang Tui Pipe vai zaksakna tuamtuam

Adiakdiak in hih tuisik hawmkhiatna buaina hangin Kuala Lumpur, Petaling, Klang, Shah Alam, Gombak, Hulu Selangor, Kuala Langat sungteng ah tui hoihtak ki ngahloding cih kiza hi. Malaysia, adiakdiak in Klang Valley kuamsung ah aompawl Tedim Sialtangtui buaibangdan in kibuai dekdekthei khaleh kilawm pianpian hi. Sawltak #zomidaily