KL khuasung kikawmna Kelana Jaya meileng meikang
Tuni 22 July ni in Malaysia Kuala Lumpur khuapisung kikawmna in akizang meileng Kelana Jaya LRT khat aset sia ahih manin atailai meikang hi. Hih meileng pen Kelana Jaya LRT Line tung Universiti Station ah aom laitak in akang ahihi.
Hih meikatna hangin meileng adangte paitheilo ahih manin, avekpi in ki khakcippah lian hi. Nitaklam 1pm hunpawl ciangbek in a ngeina bangin taikik theipan hi.
Hihpen nikhat sungin nihvei asiatna hi a, zingsanglam inzong khatvei siakhin hi. Zingsanglam in Setiawangsa Station ah Brake System kisia ahih manin, khatvei buaingei khin a, 9.45am ciangin a ngeibang in taikik theipan cihi.
KL khuasung kikawmna Kelana Jaya meileng meikang
Hih meileng katpen Federal Highway tungpan ki galmuh thei a, mawtaw hawlte apaikawmkawm un ennuam tek uh ahih manin, Traffic Jam in awkcipmang hi.
RapidKL pan thunei te genkhiatna ah Brake System asiat hangin meikang ci uh a, Passengers te avek in aliam abai omlo, ahunlap in honkhiathei cihthu The Star Online pan kiza hi. ZD Sawltak
Comment piaknop aomleh...