Kipawl khawm a khantohna tawh kisai kamuh na pawlkhat ~ Pau Do Lian

Kipawl khawm a khantohna tawh kisai kamuh na pawlkhat ~ Pau Do Lian

Thupatna: Kipawl khawm community) cih kammal pen atuamtuam in kikhen thei hi. Munkhat peuhpeuh khuapi ahizong in khuaneu ahizong in, a om/teng khawm, lunglut na kibang a kipawl khawm (community of interest) cihbang in ih omna mun tawhkituak in kiciangtan lo in kipawl khawm cih kammal Flo Frank leh Anne Smite ten na hilhcian uhhi.

Nidang (industrial era) hunlai in khantoh na bang naci muh uh hiam cihleh? A hatna, a manlan’ na(speed), a tam’na leh aliatna (volume or size) cihbang in khangto cikammal na zang uhi. Tuhun ciang in mipil ten amau pilnatawh kisai in amuhkhiat na vuah ahat, amanlang leh atam alian khempeuh hoihzawtuan lo, khangtozawtuanlo hi cih namu uhhi.

Gen tehna in hih ihten na Leitung i 75% pen tui vive hia, asiangtho tuidawn theih pen 2% hi in tui atam mahmah hang dawn theih tui tamlo ahih man in adiakdiak in Kawlgam sung muntam pi te ah tuisiang dawnding kitaang sapman in natna ataumtuam (diarrhea, constipation) cihbang natna tawh kumsim in sihnadawng hongtunhi. Tua hi a, khangto cihpen atam na leh a hatna tawh kiteh kaktheilo ding a, ahoih na leh a manphat na tawh kiteh kak zaw na hihi.

1. I. Ih Zogam kipawl khawm a khantoh na kisam maw kisam lo.

Nidang lai in ih Zogam community khat in zong kisim thei maiding in um ing. Hi mah leh Pasian in akam ciam om mah bang in hong pung hongkhang sak in ihten na munleh gam zong hongzai toto ahih manin community tampi in zong kikhen thei tading hi. Pawlkhat te munhoih munnuam/gamnuam ah anlim nono leh, inn hoihnono te sungah haksat na phawklo zahdong in Pasian in thupha hong piak laitak in ei Zogam aa, om ih sanggam te i nun tak na uh a kiciantak a, (surveillance) etcikna a kineih ciang in ih Zogam i mailam ih ngaihsutciang in bangci khawsak ding cih haksa mahmah hi. Bangbang hileh kipawl khawm a, khantoh na pen ih Zogam buppi in kisam mahmah hi.

1. II. Kipawl khawm a khantoh nading in alo theilo akisam pawlkhat te.

Eizomi laigelh siam tampitak in agelh mah bang in kipumkhatna (unity) a om loh in bang mah kivaihawm theilo hi tuapen dikmahmah hi. Tuabek hi lo in, pankhawpna/kihelna (participation) leh kipiakna (contribution) te aom kei leh bel Khantoh na ihcih pen athu bek hiding a, ki taangtun’(implement) zolo dinghi. Tua bek thamlo in Zogam community pan a, a khangkhia eite mah ih makaih masak kuldinghi.

1. III. Khantoh nading in kuate kihel a, bang ci kihel ding?

Kipawl khawm (community) khantoh na ihcih mah bang in asung a om/teng te kihel hamtang kulhi. Khantoh na (Development) na kasep zawh kum nih kum thum hong cin’ ciang ka etcik/tehna (surveillance) ah, ei Zogam ah Khanto na aki sap napen mun khat in, Kawlgam sungah kimu hi. Ahi zong in INGOs, NOGs leh international agency te in ei Zogam a ding in akisap bang in nasem theilo ahih man, bek tham lo Gamdangmi te paiding pen phalna Kawlgam kumpin’ pia nuam lo hi.

Tua hi a, Kawlgam vaigam ah pilna ih sin a, ih hau a ih mingthang zong in ih Zogam leitang kituah in Gam hau/nuam/hoih ah vaki koih theilo hi. Kawlgam sung a om state lak ah Kayah state a khangto lo pen pawl in ki ciam teh a, dik tak a etcikna (surveillance) aki bawlciang in seh thumsuah seh nih in ni sim in an pongman/ ahunhun in ne zo a, ei Zogam sung a, om te ahih leh, seh thumsuah seh nih in nisim in an pongman/ahunhun in ne zolo hi.

Tua ahih man in nangleh kei kipum khat hibek thamlo a, ih kihel/ kipiak a, ih om na ciat pan in ih pian na Zogam leitang mangngilh lo a, ih hih theih na ahi’ pilna, thatang, sumleh pai leh thunget natawh ih pankhawp ding kisam hi. Tua ahih man in kipawl khawm a khantoh theih nading in a kiphuan sa pawl (organizations) te siiksan leh akisam lai te behlap aseptoh ding in hoih sa ing. Genteh na in, Zogam khantoh nading kipawl na (Zogam Community Development) cihbang a, ma hong pang masa khawng aom a, leh pan pih a ih ding khawp ding in zogam min tawh nang hong zawn ing.

1. IV. Midang ten eimi te hong muh na.

Minamdang ten Zomi cih in hong theih sang in Chinmi in hong thei zaw uhhi. Kawlgam state khempeuh ah Chin mi te ki om kim a tua Chin mite lak ah Zomi te in khat hi hang. Pasian hong laptoh sak zomi mipil pawlkhat te hang in midang telak ah maipha ih ngah ciang in vang kinei in ih ma zong vang in a hak sading pikhat zong a ol no in kingah/zo thei hi. Tua bang ding in Topan’ hong laptoh ding kathu ngetna hi. Pasian hong laptoh mipil cih ciang in, Degree sang pipi tawh a om tebek cih na hilo zaw in a citak, thuman, nunnem, mite muan, pian pih ciim na leh zu leh sa tawh a minsia lo te hi.

Pasian laptoh ei Zomi pawlkhat te hang in nop tuam na ih ngah mah bang mah in ei Zomi pawlkhat te leuleu pen kawllak vailak ci lo in a sun a zan in a nam kinken pawlkhat na om a, nasep silbawl ding dong phawk lo in ih om ciang, tua teh min’ hong neu muh, hong muanglo, ahih man in a biah/ ol no ding khat zong hak sa mahmah theihi. Nasep na vai tawh kazin na khat ah ei Chin mi ten’ kumpi phal loh van tawh sumbawl a a nawk nawk na khua pi khak na hi kha hi. Kamatpongtin (NRC) a muh uh ciang in ka tuntun na ah hong pai in thu hong sit niloh uhhi.

A sun a zan in na sem mawh ih mu mawh in ni bang zah hiam khat om in ka lung hong kia sak mahmah hi. Bang hang a kei hong hici nungzuih uhhiam cih, a mau mahmah ka dawt kik teh Kawlkumpi thukan ten hongdawnnah ah, no Chinmi te vankham bek tawh na sem te hong cihi. Chinmi te hong cih ciang in keizong Chinmi khat in hong mu uh ahih ciang in tua bang ding mah in hong um hih tuak uhhi.

Tua bang a, ka om tohtoh ciang, nasep na tawh kisai (coordinate) sepkhawm thei na ding in Galkap mang (state Commander) te leh Mengyi pa (state commissioner) te tawh ka ki meltheih ciang in nuamtak in na kasem thei pan hi. Apua lam (civil) te lak ah ka ki hel leuleu ciang in tua khua a, om mi ten’ Chin mi ahih nak leh zu ne ding vive in um mawh uhhi. Bang hang hiam cihleh Chin mi a om tawm mahmah ta leh a om sunsun te’ lak ah pawl khat in a sun azan a nam kinken ahih man un, keizong a nam kinken ding mah in hong mu lian uhhi. Tua khuami te mawh na a hi lo ei Chinmi te ih omsiam lohman hi cih pen damdam in tel toto ing.

Tu ciangciang ei Zomi te kawlgam state khempeuh leh Gam khempeuh ah om kim ta ihih man in nang leh kei hang in ih mipih ten vang nei a, ahak sading kim lai a ol no a ih suah sak ding han ciam ni. Minam dang te’ ukding in Zomi te Pasian hong tel hi lo leh, a meilam ( tail) ding in Pasian in hong bawl hilo a, a lulam (head) makai ding a Pasian hong bawl nang’ leh kei hi hang mi mawkmawk te hi lo ih hih man in ei leh ei ki neu muh lo in midang te sang in a siam zaw, a lian zaw ka hih man in midang te nek, dawn, gamtak bang a gam ta ding hi kiang ci a ei leh ei ki sang khai a minam dang te lutang (head) ih hih lam mang ngilh kei ni.

Thukhupna:

Ih Zogam ih pian na leitang leh a om lai ih Pi ih Pu te mangngilh lo a, Pasian hong piak ihnasep naciat pan ih ngah thupha, University hoih pipi tepan ih sin thu te, Gam hau/hoih te a ih muh ih theih na te tawh ih Zogam leitang leh minam te puahna ding in zangni. Pasian hong piak thupha te khangsawn te a ding in leh hong pia Pa mang gilh kei ni. Leitung luahding bang in nasem in, a sipah ding bang in Pasian kiang ah thungen ni. “Dream as if you will live forever, live as if die today”. Pau Do Lian @ Jeffrey