Kipat kikna Han (The birth tomb)

Kipat kikna Han (The birth tomb)

Mual nih bang kimkot a om gun pang khat ah ka siapa tawh ka pai pai uh leh kawm lak a a ki sel khin khian abang zangkuam mun khat ka tung uh hi. Siapa in, mual tung khat kawk in, hia dawn a na mu na? Ong ci hi. “Bang a hia sia.”

“ Leisek tawh ki bawl han ahi ve.” Misi khat kivui ngei cih na ai ve maw?” “ Hi ei,” a cih khit teh, “ Tua bang dan han khuk khat ai ve. “ I va khua dak phei dia leh?”

“Ut dah hang ei, sihna mun hi. A hizongin bel alamdang mahmah khat om.”

“Bangci bang in lamdang liang a hia?”

“ Leitung ah han sangin lametna abei zaw, alungkiat huai zaw, adah huai zaw, amanthan huai zaw, aphalloh huai zaw mun koi teng hi ding in na um a?” Hi ta leh, na khempeuh i ki patna pen han pan hi zaw gige.”

“Bang teng ki pan ahia?”

“Tat khiatna ong ki pan khia. Upna, lungdamna thu, Messiah i kammal te,,gupna thute khempeuh hanpan ong kipan khia ai ve.” Ngaihsun le cin, ki leh bulh lua na sa hia?”

“Ngaihsun kha ngei het lo mah kai ve.”

“Han a cih bang a hia?”

“Han i cih pen lam etna a tawpna mun, i sun mang teng a bei na mun,nuntakna a beina mun,han i cih pen na khempeuh i tawpna hi lo hia. Ahih hang, Pasian a dingin han pen na khempeuh i kipatna mun hi leuleu.”

“Bang hang maw?”

“Pasian gam i azia pen tua bang a, aki lehbulh hi. Pasian a dingin, khualzin na pen nuntakna pan sihna ah hi zaw lo in, sihna pan nuntakna ah hi zaw ahih man in, nuntakna na deih leh han ah ong pai phot le cin.”

“Nuntakna neih na ding misi te lak ahi han ah pai masa ding e.”

“A tawpna mun mah ong zuan teng bek mun thak a ki pan ding hi ven. Messiah sungah, atawpna dong na tun a leh, aki patna hi pan ding hi teh. Lam etna neih lohna ah na tun leh lam etna man ah tung ding hi teh. Dahna kahna ah na tun khak leh nopna man na ngah na ding hi a, sihna na tuah leh nuntakna pianthakna ah na lut ding hi.

Pasian sungah, han mun pen nutakna thak i lut na ding mun hi.

The mission: Nang nuntakna ah bang teng han ah na vui nuai hiam? Messiah han ah ong pai pih dih in. Tua mun ah ngak in. Atawpna i tun tak ciang bek in, i ki pat na ding i mu ta ding hi.

Matt: 28:1-6; ! Cor 15:55-56; ! Pet 1:23 Yom Rishon: The beginning of Days | Days 65 | Dim Lun Zam