Zomi Affair Minister

Zomi Affair Minister

ZCD in kawlpi ah Chin Affair vote 8,000 val ngah ci dan in thei ing. Tedim population pen 80,000 val hi a, tua sung ah mee pia thei 40,000 val lak pan Pu CSThang in 15,000 kim tawh MP hong ngah hi. Tua pen population buppi (mee pia thei leh pia thei lo ki gawm) e 18% kim hi.

Tua dan ding in tuah leng kawlpi ah vote 8,000 ngah ci leng, Zomi population pen a tawm pen 45,000 val bang ki pha thei ding hi. Tamu leh Sagiang mun tuam tawm tawh ki khai khawm khawm leng 51,000 val ki pha thei ding. Census result ki thei ta leh , tuah tuah kul lo mah ding hi ven.

Tun bang bang e ci zong Zomi/ZCD te Parliament sung tung ding hi ta hi ve hang, Sagaing ah Zomi Affair Minister ding hong vai hawm dih ve vua. 2017 kim ah by-election om thei kha ding hi ven. Tua ciang Kawlgam thu khun tawh ki tuak in Sagaing ah Zomi ta ding Zomi Affair Minister mun a ki ngah nang nong han ciam ding uh lung gulh hang ei.

Chin hi lo Zomi ki ci in Chin Affair Minister e dem mah mah zong a tuam pian khat hi veh aw. Na ci uh na?

Lai at,
Mungsen