Ki vuknelh sak kei in ~ Tdkhen

Ki vuknelh sak kei in ~ Tdkhen

1. Khua a kisat ciangin kigi, gamgite kibawla, a ban-ah a sat kikkikte in a masate’ gamgi-bawl’sate kilamdang sak lo hi.

2. Innmun, logam a kizon ciangin huang kibawlin kigi tawh kiciamteh hi. A zong kikte in a masate’ kigite liahcip, khuhcip, vukcip sak lo hi.

3. A sem masa a om khitleh, na nasepna in a masate nawngkai sak kei hen!

4. Inn omsate, huang omsate na lei ding ciangin, a awng taktak mah hiam cih telcian masa in! A inn awng taleh a thu awng lo thei hi. Huang khat pen a nei nih bang na pha thei hi.

5. Mi tawh na thugen’ a kituak ahizongin, na gen’lai hong kituh ahizongin a omleh, a ngaihsun thei masa khawlkhian ding hi. Hunkhat sungah a kituak-a mi nih thugen om ngei lo hi.

6. Mikhat in na tungah thu hong gen ciangin thu-mong om phot lo-in, thudang gen’nelh ziau kei in. Ama’ sunga om lai pi-in nang’aa valh hak sa ding hi. A kigensa a vuknelh thei ding thudang tawh khiang(thulang-gen) kei in.

7. Hun a uk ngei khat na hihleh huhzangte’ thugente hoih na sak manin leih kikkik kei in. Hoih sak dan kibang lo thei hi. Thuhilh i-cih pen a za mite’ kisapna bangin a piang kawikawi thei ahi hi.

8. Thu khat peuh nagen ciangin maban neithei lai dingte leh hun a neithei lai dingte hoih takin ciamteh in. Hong lehvik kik thei dingte kidawm in.

9. Lai na sim ciangin hoih nasak munte ciamteh in. Sim thuahthuah lecin kivuknelhnelh dinga, hoih nasakte na etkik nop hun-ah na buai ding hi.

10. Na lungkham mahmah laitaka na thuciamnate ciamteh in. Na lungnop hun ciangin thudangte in a vuknelh kha ding hi. Na lungkham ahita-zongin innkuan kizawh kim loh dingpi khat ciam kha kei in. Tdkhen