Khutgelh Laisiangtho ~ T. Sawm Lian
Upa Dai Khaw Zam, Bethel Veng, Champhai, Mizoram in a khut ngiat tawh Lai Siangtho nihvei gelhsuak ta a, Tedim Lai Siangtho a gelh pen ZBC nuaia Literature Board in a ngetna bangin ZBC Library a koih dingin pia a, a apna hun May 14, 2014 in ZBC Zum, Champhai ah kizang hi.
Hih hunah Lai Siangtho khut tawh a gelhsuak Upa Dai Khaw Zam in, March 1, 2012 pan gelh kipanin May 15, 2014 in zo ahihna thu pulak a, Pentui a sauté sawmthum le li leh a lang (34.5) bei ahihna thu leh laibu (register) 16 a zatna thu gen hi.
A gelhna hangin a kiu (elbow) dulh liang ahihna thu a gen banah, “Cidam thei meel lo ka hih manin gengenin sasa zo lo ing a, tua manin a gelh lamah a hanciam hi-ing” ciin gen hi. Aman kum 2007 in Lusei Lai Siangtho khut tawh gelhsuak khin hi.
A laigelhna bu masa penah hih bangin a deih leh a lungtup gelh hi: “Zomite, sim le zo, mun tuamtuamah ki-om hi. I omna munmunah mite nuaiah i omin ka thei hi. Tua ahih manin tua thu in ka sin hong khoih pha diak a, tua ahih manin politic thu hi loin, i omna peuhah a mei lam hi lo a, a lu i suah theih nading, suahtakna deihna in thungetna-in, thungetna tawh bulpanin hih Lai Siangtho (Holy Bible) ka khut tawh ka teikhia hi.
T. Sawm Lian
Daihna Cabin
Comment piaknop aomleh...