Khuamial khanghun (Dark Ages) ~ Lian Tuang

Khuamial khanghun (Dark Ages)
Hih khuamial “Dark Ages” sungin makai thupi leh Lai Siangtho siam mipil te ong khang hi.

St. GREGORY THE GREAT
Pope Gregory I , ahih kei leh Gregory the Great ki ci hi.
( 540-604 ) Makaih siam mahmah khat hi a, a mah hunsungin Pope te ki pahtawina/ki thupit sakna zong lian semsem hi. Pope a sep hunsung pen AD 590 pan a sih hun AD 604 a hi hi. Leitung thu ah a hausa , Biakna lam ah Thu Um mahmah innkuan sung pan ong khang khia hi. A Ni te 3 Nungaksiangtho suak hi. A Pu te khang hun in a Pu te Unau sungpan Pope a sem ngei zong om hi. a Pa a sih khit ciangin, a Nu zong Pasian a dingin ki pumpiak in Pasian nasem hi. Gregory I , pen sum nei uh ahih man in zawma khuapi ah sang hoih pen ah kah zo hi. Ki Ukna leh Makaihna lam siam mahmah a hih man in , Kumpipa in Zawma khuapi vaihawm Upate makai dingin koih hi.

A Pa a sih in aneihsa a lamsa tampi nusiat a, tua te aman Pasian a dingin Siampi (Father) innlam ma ding leh Mizawngte huh na dingin zang hi. kum 6 sung bang Constantinople khua ah Pope tang mi-in tavuan ” mawhpuak ” la hi.1590 kum ciangin Pope suak hi. a ci zong dam mello ban ah Pope tavuam/ nasep lian lua a hih manin Pope a sep ding ngaihsun zo paklo hi. Pope a sep cil in buaina tampi tuakna pin gualzo a, Zawma ah Mizawng te Anvak in, Biakinn leh Biakinn vanzat a sia te puah kik in, ong lam hi. leitung thu ah zong kumpi te tawh vaihawm khawm in a masiamna tawh Roman te Gal a hi, Lombards te tawh kilemna hong bawlzo hi. Makai siam a hih man in Rome gam bek hilo Christian Catholic pawlpi omna peuhpeuh ah a thu neihna nei hi.

Gregory I, Pen thuhilh zong ukin, la zong uk mahmah khat a hi hi. Gregorian lamna kici te pen a ma patkhiat a hi hi. Amah leh a mah kisapna pen ” Pasian nasemte Nasempa ” ( servus servorum Dei ” cih a hi hi. Upna tawh kisai pen St. Augustine upzia sang hi. ” Gupna ngah na dingin Pasian ong teel masak kul hi”. ci hi.

“Pasian in leipian ma pek a ong teelsa te ih hi” ci hi. Purgatory ” (Gimna meikuang neu ) zong um hi. Kha mangthang vei mahmah in Gospel zong hat hi. khatvei zawma khua sal kizuakna-ah mikang naupang nih sal a kizuak mukha hi. a ci a sa uh ngo in Ithuai mahmah hi. Koipan ongpai hiam ? cih akan ciangin England pan a hih lam thei hi. aci asa ngo na pin a lungsim uh mialsi ee, Pasian thu cihbang theilo ci-in khasiat huai sa mahmah hi. A mah England ah Pasianthu puak dingin paisawm hi napin lemlo hi. AD 590 Pope a suah ciangin, Benedictine ,Augustine leh Siampi ” Father” 40 sawlkhia hi. Tua mite nasepna tungtawn in England gam leh America ah Tapidaw taangthu hong kipankhia a hi hi.

St. THOMAS AQUINAS
Thomas Aquinas ( 1224-1274 ) Monte Cassino khua gei Roccasecca a cihna khua ah suak hi. a neu lai hun in Monte Cassino khua ah Siampi” Father” sangah kah hi.A neu tung a kipan pil mahmah hi. kum 19 a phak ciangin Paris ah pilna sin dingin pai hi. kum 25 a phak ciangin Monte Cassino khua a Siampi ” Father ” sangah sang Siapi sem hi. Sang Sia a sepkawm in laigelh tawh thuah hi. A mihing pianzia pen a dai hihiat leh a dik mahmah khat a hi hi. La zong phuak in Laisiangtho hilhcianna zong gelh hi. A pumpi lian in gol zawzen na pin aci damlo a hih man in khantom hi.

blackThuthuk ngaihsun mipil mahmah khat hi napin Pasian thu zong Um mahmah veve hi. A laigelh te lakah a Minthang pen nih te,” Suimma Contra Gentiles ” leh ” Summa Theologiae ” a cih te a hi hi. Thomas Aquinas in Upna pen thupi koih a ” Thuman thutak theihna ding Upna bek Lampi om hi ” ci.hi. “Thuman Thutak a tamzaw mihing thu ngaihsutna ( human reason ) tawh ki theilo hi.” Pasian hong kilaakna ( revelation ) Upna tawh saanna tungtawn in ki theithei bek hi ” ci a, tuapen Pasian thu le Laisiangtho tawh ki tuak mahmah hi. a hih hangin Mihing Thu ngaihsutna ( reason ) zong a paaisiang hi tuanlo hi. Christian Thuthuk ngaihsun mipilte lakah Upna leh Thu ngaihsutna a ki lekkim a, a koih thei pen Thomas Aquinas a hi hi. Thomas Aquinas pen Laisiangtho Upna Laigil te a phuankhia pa zong hilo hi. Thuthuk ngaihsutna lam ah zong amasa pen hilo hi. A ma hun a mipil te in Mihing te thu ngaihsut theihna pikoih uh a,St. Thomas Aquinas in Upna leh Theihna hih thunih ki lelkim in ong koih thei hi. Pil mahmah napin midangte banglo hi . Apina suanglo in Pasian Um in muang mahmah.hi. A ma Upna hangin Christian Upna Catholic Fiath hoihtakin a kalsuan to thei ih suak hi.

Liantuang
ZOMI