Khuahun neukhat ~ Evan. Suangh Dal

Khuahun neukhat ~ Evan. Suangh Dal

Khua hun, Kawlgam ah kha sum khang. Ahi hang kha sum a khang lo pawlte adingin vanman khangin baih kei. Gentehna zan mah a, ci tawi khat 120 pen tun 200 man pah. A bangmah khempeuh khang pah litlit. Sang Sya/Syama te’ kha sum kham tung lamte bang tein thumthum, tein li li a ngah ding uh hi mawk ta a, kumpi nasep sep huai mahmah hi.

Tua hi a, Zomi te galkap hun ah galkap tum bekbek, Lai Siangtho sangkah hun ah Lai Siangtho sangkah bekbek, gamdang hun ah gamdang bekbek, kumpi nasep hun ah kumpi nasep bekbek cihte hong koici tam?

Khua lam ah tu laitak nisa mahmah ta cih ding hi. Gamdang bangin pangka, air condition cihte om lo ahih manin baih kei veve sa nuteh. Kawlpi kuam ah nidang cycle a om cil lamin Cycle’ taih tam a, tuhun teh mawtaw kinei litlit ta ahih manin mawtaw’ taih hong tam zaw ta hi. A hun zui-a piang nate kidop huai.

Theih huai ka sak, Mikangte, a diakin Mangkang (English) te in mivomte, a diakin (Negro) te a sim mawh mahmah hangin Mangkangte le Negro te mah kilem thong uh. Kawlte in Kalate a sim mawh dep hangun, ei gammi taktakte sangin Kawlte le Kalate mah kithuhual zaw thong.

More: Tetci maanlo pianthakna pan ~ Evan. Suangh Dal

Zomi te le Chin te zong namdangte mah tawh sangin kinai zaw veve hang. Mangkangte le Negro te Kawlte le Kala te Zomi le Chin kipeel thei khang! A tawptawpna ah, Sialvom le Sialvom mah kingai thong! Evan. Suangh Dal