Malaysia, Puchong vengsung innkhat ii dailenbuk pan gulpi khat pusuakkhia

Malaysia, Puchong vengsung innkhat ii dailenbuk pan gulpi khat pusuakkhia

Malaysia, Puchong Perdana vengsung aom innkhat ii dailenbuk panin gulgolpi khat pusuakkhia cih NST pan kiza hi. Zanni Monday ni in thupiang hi a, dailenbuk sungah numeikhat aom laitak in Toilet Bowl sungpanin gulpi khat alu dawkkhia in numeinu pen lauthawngsak mahmah hi.

Hihvai tawh kisai in kumpi thunei ahi Malaysia Civil Defence Force (APM) Putrajaya chapter spokesman Major Ahmad Junaidi Dukut Soeharto in agenkhiatna ah zingsanglam 6:45am hunpawl in innsung dailenbuk sungah gulpikhat kimu ahih manin amanlang in Emergency Call hongki zasak cihi.

Tuabangin Emergency Call aki zaksak ciangin Malaysia Civil Defence Force panin nasem mi 3 te’n delhpah uhhi. Aphual atun uhciangin tua gulpi pen dailenbuk sung aom Pipe tungah nakivial vetvatta hi.

Tua gulpi aki muhkhiatna innpen numei khat ii innsung hi a, Malaysia Civil Defence Force te’n asawtlo in tua gulpi pen matsak in hemkhiathei uhhi.

Tua gulpi pen Python akici thampi akici tepawl hi a, khuahun Weather kikhelna hangin aomngeina panin hih numei khat ii innsungah alutkha hidingin ki ummawh hi.

More: Bangkok ah numei khatin dailenbuk azat laitak gul in anuaipan tuto

Dailengding in tutsuk kingkeng laitak anuai panin hih gulpi in hong dawntuah mawkleh bangcih mawkding 🙂 Sawltak #zomidaily