Kei maa Moral Politics ~ Nicholas Pau

Kei maa Moral Politics ~ Nicholas Pau

Politics pen election hun khawng ciang bek aa topic khat aa kikup helhhalh ding bek aa ngaihsut ding hilo aa, nisim i nuntakpih ding nahi zaw hi. Tua hileh, ki tathiam man ciatding hang aa, zathun ding ong tunteh, a hiamsa aa om i hih manin, i muibun mahmah ding hi. Na ann neknek zong Politics sem mah nahi hi aa, na luplup zong Politics semsem mah nahi hi. Ann na nek lai teng, husang na neih laiteng Politics semsem mah nahi hi.

Politics pen Politicians te bek ii theihding na hilo aa, tuamah bangin, Politician lo khat in, Politics a genciang, nang sempah ve ci aa, va vauu pahding zong na hilo hi. A sepding a semsem ahih lam tak mangngilh kha kei in.

Majority te khual khollo’ Minority sung leuleu ah, Politics pen kivakna(Profession) khat aa, nektawmzon nading Career khat aa septheih nam ong hi hetlo in, i minam dinpih tektek Majority te tawh kigawi tektek in, ki-suplawh ki-bailawh toto theizaw hi.

A pil, a tei(Highly educated)Minority khat in, qualifications a neih nakleh, Majority lakah gambup level ah, Politics pen, kivakna, Professional Career khat in a neithei leuleu hi. Hih bangdan dinmun a tung Minority khatin, ama mipih Minority pihte aa ding a semthei taktak nawn kei aa, a dinmun position tawh kituak in na asep akul hi.

Tua zah khatin, a mipih Minority pih ten, angtanpih zolo in, zong thusimlo thei uh hi. Minority sung khat peuhpeuh ah, hihdan, akikhai ong tam teh, kithupi sim zolo in, a mipilte thusimlo, a mipilte mun pialo minam-te ong suakthei leuleu hi. A mipil-te mun ngahlo’ minam peuhmah khangto hak mahmah zel mawk hi.

More: Zomi & Education ~ Nicholas Pau

Majority(Citam)vs Minority(Citawm)thugill pen Majority lak bekbek aa khangkhia Majority khat in, Minority khat ii dinmun a telpih nang hamsa mahmah aa, Minority lak bekbek aa khangkhia Minority khat in zong ama dinmun zungkip takin a tel thei kei hi. Banghanghiam cih leh, a tehkakpih ding a muhna, a tuahna, le a phutkhaakna tawm ahih man ahi lel hi. Hih bangdan te in, Majority te ki enpi pahpah kha in, ong leklek na lamah kipuk in, eima Dignity ei mahmah in, i thupi bawlzo nawn kei thei hi. Azom…… (A zophuai leh zoplai ding) Lian T. Pau