Kawlgam Shan State sung aom Laukkai khuasung ah kikapna piang

Kawlgam Shan State sung aom Laukkai khuasung ah kikapna piang

Kawlgamsung aom Kokang thautawi te’n Myanmar, Shan State sung aom Laukkai (Laogai) khuasung thaupi tawh kap uh cih DVB News pan kiza hi. Tuni Monday (Mar 06) zingsanglam 2am hunpawl in akap uh kici a, ki ginneihloh laitak in abingkapvat uh ahihi.

Kikapna piang cih kathei uh a, ahi zongin athu akician in kathei naikei uhhi ci’n TNLA (Ta’ang National Liberation Army) pan Spokesman khatin genkhia hi.

Hih Laukkai khuasung kikapna pen Kawlgalkap Government Forces leh MNDAA Myanmar National Democratic Alliance Army te akikap hiding hi ci’n Ta’ang National Liberation Army pan Mong Aik Kyaw kicipa in genkhia cihi.

Laukkai khuasung aom Buddhist Monk khatinzong agenna ah kikapna pen nasia mahmah, ginngaih mahmah hi. Asi leh aliam zong om kici hi. Ahi zongin ki patautek ahih manin, apualam kuamah ki vakkhia ngamlo ahih manin, asi aliam bangzah cih theiciankeng ci’n DVB te tungah genkhia hi.

Laukkai khuasungmi te’nzong khuasung lamzikpi tungah siluang om ci’n genkhia uhhi. Inn pawlkhatzong kisia cih kiza hi.

Laukkai pen Shan State sung aom hi a, Kokang (Kokang Self-Administered Zone) te khuapi Capital zong ahihi. China tawh gamgi aom khua minthang khatzong ahihi. Hihthu zakbehna aomleh behlap kikni. ZD Sawltak #zomidaily