Gas meikhuk tawh anhuan te theih ding thu

Gas meikhuk tawh anhuan te theih ding thu

A zenzen in gas meikhuk tawh anhuan den khat na hih leh hih lai nasim hamtang in.

(i.) Innkuan bup in zani tak cidam sitset napi uh in a zingciang a vek un si khin uh cih thupiang na za ngei na?

(ii.) Anhuan buk ah anhuan inn nupi khat mei katna hangin si cih February 12, 2013 aa thupiang e na thei kha na?

Bang hangin hici hiam?

(i) Tiahkhan sung aa om innkuan khat in nitak gas meikhuk tawh anhuansa te ne uhi. Khua dam ahih manin a inn uh kalh cip bikbek in lupna lam hong zuan uhi. Gas bung pan gas te kikhak maw kikhak lo, gas pipe keh maw, kehlo cih sittel kha lo uh ahih manin zan ciang in a dik ding uh huihsiang (oxygen) omlo in a innkhan sunguh gas tawh kidim ahih manin husam in a si uhi ci hi.

Tua hi a, gas bung, gas pipe te vang maw, keh maw cihte sit zel ding leh zanlup ciangin (adiakdiak taih inn sung a omte) inn sung ah huih siang lut (ventilation) theih nading kong vangno (air vent) cih te hon ding kisam hi. (tho kangza kual te hangin zong hibang thu piang ngei hi.)

(ii.) Inn nupi nu in gas meikhuk tawh meh a kanlaitak in kuangsawpna ngei ah innlawi hon khat hong mu hi. Tua hangin thoza kap bungkhat (insect killer) hong la in anbuk sung ong kap kawikawi in ameh bawl na gei zong hong kap kha hi. Thakhat thu in hong na puakkham khat hong gingvat in tua nupi nu meilompi khat in hong hul vat hi. A pumpi 65%bang mei in kang hi.

A pasal in a theih phet in delh pah in mei meiphelh bung tawh mei hong phelh saisai hi. A zi zato ah a hunlap in a puak theih sam hangin a zi in a sawtlo in leitung nusia pah hi.

Himun ah i phawk dingah thoza kap bung (insect killer spray) te pen a tui panin a khu ah kihel baih mahmah le kuang baih mahmah hi. Tua za ikap ciangin za tui te pen a vuikhuneu (particles) khat bangin huihlak ah kizel kawikawi pah uhi.

Hihte lakpanin vuikhuneu nengno khat le mei am khat kimu kha le, huih lak aa aom oxygen, meikhukk panin a paikhia gaskhu tawh kigawm khawm mang in puakkham thei hi. (Insect killer bek ahilo air fresherner, tui namtui (perfumes) cih zakap bung (spray) limlim te pen meikhuk ngei, mei am ngei ah zatloh ding kidop ding ahi hi.)

Akaikhawm; Nk Khanno
Ref; Daily Health Tips
Kyanmaryee tadinmya
Zingsol