Kammal kilawm pawlkhat (Azom Feb 21)

Kammal kilawm pawlkhat (Azom Feb 21)

Pasian in,ama minthan gamzai nadingin mi khempeuh hong zangh nuam a,ahi zongin,lungsim takpi tawh akiphal mite bek mah zangh a,amaute’ tung panin na lamdang tampi piangsak hi.

Pasian in na khempeuh ahih theih hangin,na khempeuh hih lo thei hi.

Pasian’ septheihna pen kicingtan lo a,ahi zongin,ama seploh theihna pen kiciangtan hi.

Theihna bek tawh na khat peuhpeuh kicingkim thei lo a,neihna bek tawh kicingkim zo thei pan hi.

Na lianpipi a sem mite pen,a neu pen panin akipan mite ahi uh hi.

A guallel den nuntakna pen,Jesu tawh hong kimuh khak ciangin,a gualzo nuntkna hong suak thei pan ding hi.

A lungkiathuai khempeuh i guallelh nading hi lo a,lungkia loin,thuak teta zo le’ng,i gualzawh nading zong pawlkhat na om veve hi.

Kisikkik theihna pen,mihingte’ nuntakna ahoih dingin a seek pha kik molhtum , hoih khat tawh kibang hi.

Leitung thu lamah, ki thutuah lohna tawh i kikhen kha phial zongin, Kha thu lamah, kipum khatna-ah kigawmkik theihna pen,khantoh nadingin lampi hoih mahmah khat hi gige hi.

Gam leh minam leh Topa’ adingin, a sem ding kuate ahi uh hiam, ci lo zaw in, gam leh minam leh Topa’ adingin kua tengin sem ding i hi hiam, ci zaw ni.

Khazih sungah,

David Tuang