Kalaymyo ah Pasian nasem Pastor khat numei buanvai tawh thu kibawl

Kalaymyo ah Pasian nasem Pastor khat numei buanvai tawh thu kibawl

Akum acingnailo numeino 2 te zawhthawh thutawh abuan Pastor khat thongkiading in thu kibawlta cih Zalen Info pan kiza hi. Tua Pasian thugen in avak kawikawi Pastor pa ii aminpen Lal Biak Lar @ Lar Boih kici hi.

Tua Pastor Lal Biak Lar pen May 11 (Friday) ni in Kalaymyo aom thukhenzum Court ah numeibuan “Rape Case” akipan adang Case tuamtuam, akigawm in Case 4 tawh thu kibawl cih kiza hi.

Court ah Pastor pa thu akibawlna Case tepen numeibuan “Rape Case”, mikhat lauthawng sakna, mikhat ana in bawlna, hanciamna cihbang Case tuamtuam tawh thu akibawl ahihi. Tuateng lakah Rape Case pen asangpenpen hi a, kum 20 sungbang thong kiathei khading kici hi. Buan athuak numeino tezong kum acing nailo cisawnsawn ahih manin, thuliansem khading hi.

Tahan Police Station panin thunei khatin agenkhiatna ah tuni pen thu akibawlbek hipan hi. Maiah Court ah thusitna aomkik ciangin Pastor pa leh buan athuakte sitcianna kineiding hi ci’n genkhia hi.

Tua Pastor Lal Biak Lar pen Kalay Myone, Letpanchaung khuasung aom ahihi. Falam khuasung aom numeino kum 15 aphakhin khatleh kum 14 aphakhin khat Pastor pa innah aom sungin Pastor pa’n zawhthawh thutawh nabuan cihi. Tuahangin numei te ii anu apa te’n Police Report bawl uh a, thu akibawl ahihi. Hongtungding May 25 ni ciangin Court ah thusitna omkikding cih kiza hi.

More: Pastor khatin tading in akep numei khat zahmawhvai tawh bawlsia in kiman

Malaysia ahzong Kawlgam panin azin vakkawnsia khatin numei te sawksakthei cihkhat bangkhat kigen hiauhiau. Bawng kineih bangdanin pasal takpi numei khattung ah atuang ngiangua, thungen lah hivanglak cihkhat bangkhat zong Facebook tungah kigen ngeingai ngeihi. Thugendan, tha ngahdan, nasepdan leh sawlna ngahdan atuamtuam hikhading a, kuamah ki mawhsakna omlo hi. Sawltak #zomidaily