I nisim nuntakna le Motivation ~ Tg Candle

I nisim nuntakna le Motivation ~ Tg Candle

Motivation i cih in i nuntakna ah i kisap nate i ngah nading I hanciamna a a omlo theilo i thuakkhakna tung pan tha hongpia khat hi a, mikim in i kisap khat ahihi. I deih i kisap khat i ngah zawh, ngahtheih na dingin i hanciam nop nading tha hongpia ding kisam hi.

Tua tha hongpia ding pen ei le ei mah in i bawltawm ding a hihi. Tua tha tawh mai i nawt ciang i mailam kinawtzo bek ding hi. Hih motivation cih a omloh ciang i lungkia in i tha lawpna, hong tha lawpsakna pen bei thei hi. Tua hangin motivation pen i nuntakna ah a kisam den na khat a hihi.

Motivation a omloh ciang i nuntakna ah ki thei mahmah hi. I nuntakna ah bangmah muh kholhna omlo in a piang bangbang tung ah awlmawhna ki neilo hi. I nasepna i hih na khat peuhpeuh ah a hih bek mah hi in, a hoihzaw lai ding hanciamna omlo hi.

Tua i na sep tungpan zong bangmahpi lametna omlo in, sepngei ahih manin sepngei bang a semsem lel cihbang hi. Lametna, kikhualna I nei phial zong in tua i lametna i tangtun zawh nading bangmah hanciamna omlo leuleu hi.

Motivation i om ciang in i nuntakna sung ah kisapna, lungkim lohna, bangzah takin kicingkei mah leng ni khatni ciang tua i tup i sawm na tangtun teitei ding cih ngaihsutna nei in hanciamna lungsim pia hi. Motivation nei khat pen a sep a bawlna ah thalawp in hanciam den hi.

Tua hangin motivation i neih ding kisam mahmah in I neih nadingin zong a tawntung in i hanciam ding thupi hi. Mi minthang, mipil leh mi lawhcingte banghang a lawhcing in minthang uh ci in i eng theih ding kul hi. A maute tangthute laibu i simna pan ai zong ki thei thei in, tua pan in motivation I cih ei le ei i kitawsawn nopna lungsim hong khang ding hi.

I kimnai a hi a, leitung ah a hi zong i eng i pahtak mi khat teitei bel i neih ding kisam hi. Tua hilo in kuama thu lah theilo, kuamah eng le pahtak lah neilo, eikiabek leitung ah anungta kisa, tuahang in motivation hongpia ding zong neilo pah i hihloh ding thupi mahmah ding hi. Tg Candle (Ref:MoeShian)