Johor ah Kawlgammi khatin Malaysia gammi khat temtawh dawtlum

Johor ah Kawlgammi khatin Malaysia gammi khat temtawh dawtlum

Malaysia, Johor Baru sung aom mohzuakna Bakery Outlet khatah Kawlgammi khatin Malaysia gammi khat temtawh dawtlum cih theStar pan kiza hi.

Saturday ni in Jalan Datuk Abdullah Tahir aom Bakery Outlet ah thupiang hi a, adawtlum Kawlgammi pen Myanmar Waiter khat kici a, dawtlup athuak Malaysia gammi pen anhuanbuk makai Chef ahihi.

Johor Baru South OCPD Asst Comm Sulaiman Salleh ii genkhiatna ah dawtlup athuakpa pen Malaysian Citizen hi in, kum 32 gualpawl cihi. Kawlgammi pa pen alawmnu tawh sauvei kiholua ahih manin, Chef in atot ciangin kihehsuah uh a, akitawng uh cihi.

Tuaciang in Kawlgammi pa in anhuanbuk sungah akizanglai temta khat manphei in dawtziau hi. Police te genkhiatna ah zingsang 11:50am hunpawl in Bakery Outlet sung aom anhuanbuk sungah aki dawtlum ci a, temta letmat 14 apha khattawh agil dawtsak cihi.

Adawtkhit phetin tua Kawlgammi pa pen taimang in, a temta zatpen ageinai aom bualneu sungkhatpan ki mukhia cihi.

Johor Police te’n tua Kawlgammi pa pen azonsan laitak uh hi a, hih vaipen “Section 302 of the Penal Code” tawh thu kibawlding hi. Kawlgammi pa pen akimuhkik leh sihdan “Death Sentence” thuak khatheiding cih kiza hi.

More: Malaysia, Ipoh ah Kawlgammi numei kizuak 19 kiman

Kawlgammi ansai nasem “Myanmar Waiter” cihciangbek in kiza a, Kawlgammi veve sungpanin kuanam te cih ki theibanlo hi. Palik te’n Kawlgammi te hong dopbawllo khatheiding ahih manin, Johor Baru sung aom Kawlgammi te kidop huaihi. ZD Sawltak #zomidaily