Jesu’ thugen na um/muang ngam diam?

Jesu’ thugen na um/muang ngam diam?

Na pianzia na kingaihsut ciangin, mite bangin na taangthu hoih kei na sa lua hiam? Mite bangin nu leh pa tawh omkawm loin tagah liangvai na kisa lua hiam? Mite bangin cidam na kisa kei lua hiam? Na Innkuan sung(na nupa kaal) ah buaina tuamtuam in hong nawk kha zel hiam? Mite bangin nopna mu loin lungkham haksatna tawh kidim na kisa lua hiam?

Jesu tawh a kipawl(Jesu anei)mikhat na hih nak leh lungkham in khakunkun nawn kei in. Jesu in hibangin hong gen khin zo hi;

“Keimah tawh na hong kipawlna uh hangin lungnopna na neih theihnadingun hih thu a hong gen ka hi hi. Leitung gimna na thuak ding uh hi.Ahi zongin keimah in leitung nate zo khinta ka hih manin lungnuamin omun, a ci hi.” John 16:33

Asia mahmah na tangthu pen, a hoih mahmah tangthu tawh hong laihsak thei Jesu bek hi.

Tagah inn pan kumpi inn dong hong tunpih thei Jesu bek hi.

Buaina tawh a kidim innkuan sungah a kicing innkuan nopna hong pia thei Jesu bek hi.

Lungkhamna kuampi, lametna kongpi a suaksak thei Jesu bek hi.

Damna taktak hong pia thei, Jesu bek hi.

Dahna khitui khempeuh, nuamna khitui tawh hong laihsak thei Jesu bek hi.

Na up/muan ngam nak leh hih kammalte nang ading hi pah hi. Jesu in hong sepsak khin zo hi. Lungnuam takin om ta in. Hallelujah. Amen!

Khazih sungah,
David Tuang