Ambulance leinading sum ngahna
(July 11 nitak nai 7:00) – ZYA-Tonzang in tukum sung in cina puakna mawtaw Ambulance khat leiding in ngimna ih nei hi. Sum tawh mapang khawm ding in hong kamciam pawlkhat om lak ah anuai a teng in hong piakhin ta uh hi.
1. Pu Thang Khaw Lian Thang Lian (Tonzang) Ks. 1,000,000/- (Teng sawm)
2. Lia Man Deih Niang Niang Bawi (Nahnuai/Singapore) Ks. 100,000/- (Teng khat)
3. Pu Thaa Mung Zomi (USA) Ks. 130,000/- (Teng khat le tul sawmthum)
Kuama peuh in atawm atam cilo in nong panpih tekna ding un hong zawn ing. Western Union pan hong khak nuam na om uh leh July 17 ma ahih nak leh ka minpi Mung Laan Thang tawh hong khak un. Pu Thaa Mung’ a tawh Tedim ah na thohkhawm thei pah ding hi’ng.
July 17 khit ahih leh kei’ min ahilo mindang khat tawh kikhak thei veve ding hi. Tonzang ah Western Union tawh sum kithoh thei nailo ahih man in Tedim pai tanghtangh kul lai hi.
Kawlgam sung pan ahih leh bel Wave Money tawh kikhak thei ding hi. Tonzang ah Wave Money omta ahih man in nuamtuam mahmah hi. Ma ih pankhop ding kal ka ngaklah mahmah hi.
More: ZYA Tonzang panmun apna leh ankuang umkhopna omding
Hih ambulance leina ah mapang khempeuh cidam in khansau ngiat unla nasuan nakhakte dong vuah tua thupha kizom toto ta hen. Lungdam, Mung Laan Thang (Secretary, ZYA-Tonzang)
Comment piaknop aomleh...