Jerusalem vai hangin Kuala Lumpur aom US Embassy maiah lungphona kinei
US Government in Jerusalem pen Israel gam ii khuapi “Capital” in ciaptehsakna, theihpihna pulak ahih manin Muslim te lungkim hetlo uhhi. Malaysia, Kuala Lumpur khuapisung Jalan Tun Razak aom US Embassy mai ahzong tuni Friday (Dec 8) ni in mipi tulval in lungphona nei uh cih NST pan kiza hi.
Palestinians leh Malaysians gammite Political Stands deidanna omlo in, sun 1:45pm hunpawl akipan Kuala Lumpur khuapisung Tabung Haji Building maiah hongki kaikhawm ngeingai uhhi.
Hih Jerusalem vaitawh kisai in lungphona ah Malaysia Political Parties tuamtuam ahi Umno, Pas, Keadilan cihte leh NGO (non-governmental organisations) tuamtuam panin makaite hongki kaikhawm ngeingai uh a, Jerusalem vaitawh hihlaimun ah hongki thutuak bilbel uhhi.
Lungphona akineihkhit ciangin Umno Youth panin makaikhat ahi Chief Khairy Jamaluddin in 2:30pm hunpawl in US Embassy thunei te tungah Memorandum khat piakna neikhia hi.
Khairy Jamaluddin in agenna ah US president Donald Trump in Israel gam ii khuapiding in Jerusalem City apulakkhiat pen thumanlo leh santheihding thu hilohi ci’n genkhia hi.
“Mr President, this is an illegal announcement. Jerusalem is an occupied territory. You must not even set foot in Jerusalem and make it the capital of israel… believe me, this is just the beginning.” ci’n genkhia hi.
US Government in hihbang in agamtatna pen khawllo in azopsuaksuak leh leitungbup aom mipi te hongki kaikhawm in US kumpi alangpanding pen mukhading uhhi ci’n genkhia uhhi.
Tuaban ah International Law pen zahtak kulhi. Hih na gamtatna pen International Law alehpan nahi a, Humanity zong alangdo nahihi. Palestinians te hong gawtbawl nawnkei in. President Trump aw, hihlai ah buaina apiangsakding in hongki kaikhawm hilo hi ung. Ahi zongin leitungah aminthang athahat Powerful penpen akicipa inzong International Law pen azahtak kul hi ci’n genkhia uhhi.
Lungphona anei mipi tepen lungsolua mahmah uh a, KL US Embassy mai ah buaina piangdekdek hi. Police team ahi Light Strike Force te’n US Embassy sungah mipi aluttheihloh nading in Human Barricade tawh lungphona anei mipi te dalcip uhhi. Policemen zong zatampi tak ki kaikhawm in, mipi te asoluatloh nadingin dalcip uhhi.
Video: Thousands protest at US embassy in KL over move to recognise Jerusalem as Israel capital
Lungphona anei mipi te ahihleh “Down, down USA”, cihleh “Solidarity for the Palestinians” cihbang in awngziahziah uhhi.
Hih lungphona ah Political Party makai pawlkhat ahi Umno Youth deputy chief Khairul Azwan Harun, Umno Sungai Besar chief Jamal Md Yunos, Pas Youth chief Khalil Abdul Hadi tezong kihel uhhi. Nitaklam 3pm hunpawl in bangmah buaina piangsamlo in mipi ki khenthangthei cih kiza hi.
More: Malaysia vanlengkhat Jakarta khuasungah atuksawm laitak apei siazan gawp
Indonesia gam ii khuapi Jakarta City aom US Embassy ahzong Muslim hongkhatmah in hih Jerusalem vaihang in lungphona nei uhhi. Indonesia gampen leitung ah Muslim atampenpen gam ahih mahbangin hih lungphona ah buaina apiansuakding ki patau mahmah a, buaina apianleh zatding in tuithau “Water Cannon” honkhatzong Standby sa in kikoih hi.
Ahi zongin Jakarta City sung lungphona pen upmawhsang in gamdaizaw bilbel cihi. Sawltak #zomidaily
Comment piaknop aomleh...