Jerusalem khuapi ah mi 4 kithat, mi 6 liam

Jerusalem khuapi ah mi 4 kithat, mi 6 liam

Israel gam ii khuapi Jerusalem ah tuni Tuesday ni in buaina piang cih Fox News pan kiza hi. Jerusalem khuasung aom Jewish te kikhopna Synagogue khatah Palestinian te’n thau, temta, hei khawng tawi in va buluh uh a, thungen in aomlaitak ahi mi 4 in thahlup tuak a, adangzong mi 6 bang liam cihi.

2008 kumlai inzong hih Israel khuapi Jerusalem ah Palestinian thautawi khatin biakna vaitawh Seminary akibawlna sanginn khatah phialkapgawp a, mi 8 si ngei hi. Tua 2008 kum khitzawh tutung buaina pen Jerusalem khuapi sungah thakhat thu in mitam akithatpen hiding hi.

Israel Prime Minister Benjamin Netanyahu zong nak hehlua mahmah a, hihbang in biakpiakna neiding in aom laitak hong thahsakte pen nakpitak in kilehdo kikding hi ci’n tangko khia hi. ZD Sawltak