Israel in Damascus khuapi nawl aom vanleng phual Rocket tawh kapsak
Jan.13, 2017: Israel ten zan in Syriate khuapi Damascus khuapi nawl a om Presisident Basat al-Assad’ elite Republican Guard kicite vanleng phual (airbase) rocket tawh kapsak uh hi. Syria galkapte zong heh lua-in Israel gamtatna kithuk kik ding hi ci uh hi.
Social media ten hih Mazzeh military airport compound kikapna hangin mei khu vom ngeungau kaina lim suaksak uh hi. Syrian state television in Israel leilu lam Lake Tiberias panin zan nitakin rockets tawh hih President Bashar al-Assad’ elite Republican Guards galkapte phual tam veipi hong kikapsak hi ci uh ci-in suaksak hi.
“Syrian army command leh armed forces ten Israel ngongtatna pen dipkuatna piangsakte gamtatna (terrorism) tawh kibang a, tua banga gamtate khut kitansak ding hi,” ci-in army command in a thupulakna ah suaksak a, sihna liamna tuak om hiam cih bel gen beh lo hi.
Israel in tu nai diakin Syria thum vei a kapna hi ta hi. December 7 in Israel in surface-to-surface missiles tawh Mazzeh airport na kap a, tua ma nipi kal khat ma-in zong Lenanonte huih khua (airspace) panin missiles nih tawh Damascus khua nawl-a om Sabboura kiim na kap ngei hi. Israel in Syria a kapna thu nolh lo a, kap hi ung zong ci beek lo hi.
US assistant secretary of defence pension Lawrence Korb in Al Jazeera newste kiangah, “Syria kumpi in kumpi lehdote (rebels) a dona ah Lebanon pansan Hezbollah kicite tawh a kipawlpih manin Israel in amau lehdo Hezbollah ten Syria pansan in Israel kapna ding galvan a neih ding uh a deih lohna lahna dingin a kap hi ding hi,” ci-in gen hi.
More: Malaysia, Serdang ah akithat Kawlgammi 5 te vaitawh muanmawh mi 15 kimanta
Israel Defence Minister Avigdor Lieberman in bel nung diakin Syria buaina ah kigolh nuam lo hi ung na ci hi. Source: Al Jazeera and news agencies/ Thang Khan Lian
Comment piaknop aomleh...