Japan ah meileng ahun Second 25 ki pelhkha ahih manin Company te’n mipitung thumnanei

Japan ah meileng ahun Second 25 ki pelhkha ahih manin Company te’n mipitung thumnanei

Meileng ziakei pen azuiding Passenger te adingin nawngkai mahmah hi. Tuabanah meileng apaikhiat dinghun aki ciantansa sangin alolzaw in na paikhia lehzong ahuntawh akituaklian dingin azuihsawm, adelhte adingin meileng alaplo suaksakmawk ahih manin nawngkai mahmahzel hi.

Japan gamah meilengkhat apaikhiat hunding sangin Second 25 lolzaw in paikhiakha ahih manin, tua Japanese Train Company te’n khuasung mipi te tungah thumna nei uh cih Philippine Daily Inquirer pan kiza hi.

Nungkal Friday (May 11) ni in Central Japan aom Notogawa Station ah meilengkhat 7:12am hunin apaikhiading himahleh ahun atunmadeuh 7:11:35 am in paikhiakha citciat hi. Ahun aki ciantansa sangin Second 25 lolzaw in paikhiakha hi.

Meileng apaikhiat hunding sangin Second 25 lolzaw in apaikhiatna hangin mikhatin meileng zuikhalo, laplo citciat sawnsawn hi. Tuavai tengtawh meileng Company ahi West Japan Railway Company (JR West) te’n khuasung mipite tungah thumna pulakkhia uhhi.

Tuani khatvei bekbek meileng Second 25 lolzaw in apaikhiakha hi a, tualo te ahun akiciangtansa atun ciangin ahun mansetset in tunglianlian, pusuak lianlianden hi. West Japan Railway Company (JR West) panin Statement akhahkhiatna ah tuani in meileng ahawl Train Conductor in khialkha in, meileng kongkhak khakbaih sakkha hi ci’n pulak uhhi.

Hihbangin meileng azui khuasung mipi te kong nawngkai sakkhak uhhi, mailam ah hihbangdan khialhna aomkikloh nadingin ka hanciam mahmahding uhh ci’n West Japan Railway Company (JR West) te’n genkhia uhhi.

More: Malaysia LRT meileng sikzawn tungah nupi naupaai khat kiasuk, gawilum khalodeuh

Japan te ngeina “Japanese Culture” ah hunlap, hunman setset “punctuality” cihpen athupi ngaihsut mahmah uh ahihi. Abeisa 2017 November khasung inzong Tsukuba Express te meilengkhat Second 20 lolzaw in paikhiakha ahih manin, mipi te tungah thumna nei uhhi.

Myanmar gamsung a Bus, Meileng te genloh vanleng nangawnzong ahun lapzo mahmahlo a, ngakcihtak in ngakngeungau hidenkeei mawk a mate. Passenger tetung kithuum cihthadah hongki nawtgawmthei sawnsawnlai….. Sawltak #zomidaily