Japan ah vuuk limkiatlua in, lampi ah mawtaw 1000 val awkcip

Japan ah vuuk limkiatlua in, lampi ah mawtaw 1000 val awkcip

Japan gamsung, adiakdiak in Central Japan sung aom lamzikpi tungteng ah vuuk limkiatlua mahmah ahih manin, lampi tungah mawtaw bekbek 1000 valbang awkcip cih Reuters pan kiza hi.

Local Officials te genkhiatna ah Tuesday ni in vuuk limkiatlua mahmah in, Snowfall hangin mawtaw tampitak awkcip cihi. Ahi zongin asi leh aliambel kuamah omlianglo uhhi.

Fukui Prefecture sung aom lamzikpi tungah vuuk “Snow” bekbek asahna 1.36 Metres (54 inches) bang phaliang cihi. Fukui Prefecture pen Japan gam ii khuapi ahi Tokyo City panin nitumna lamah 320 km (200 Miles) bang aki gamlatna ah aom ahihi.

Tuesday ni in vuuk kiapen tamlua mahmah in, abeisa kum 40 phial ah hihzah in vuuk alimkiat omngeilo hi, “heaviest snowfall in nearly four decades” ci’n Local Meteorological Observatory ten’zong genkhia uhhi.

Hih Prefecture sungah mawtaw te apai laitak in Snowstorm in nawkmawk ahih manin, lamzikpi tungah mawtaw bekbek in theihsa, 10 km (6 Miles) sungbang awkcip mitmet hi ci’n Local Transport Ministry te’n genkhia uhhi.

More: Japan ah meileng khat Second 20 alolzaw in Station pan paikhia ahih manin ki mawhsak

Tua ahih manin mawtaw a awkciplak Traffic Jam lakah aki behlap tohtohloh nadingin tualam zuanin apaiding mawtaw te ki khakcip, Traffic kikhak cipsak hi.

Fukui Prefecture sungah khuahun pen vot suaksuak laiding hi ci’n Local Observatory te’n genkhia uhhi. Sawltak #zomidaily