Itna (Love) le kiteenna (Marriage) ~ Tg. Candle

Itna (Love) le kiteenna (Marriage) ~ Tg. Candle

Itna i cih in……….
Mangbuh lum tel tawh kibang hi. Mangbuh lum bawl pa in a ma hih theih zah in Mohlumte a kikim thei pen ding a a bawl hi a, ahizong a tawm a tam kikim khin samlo mah ding hi.

I theih ding ah : Mohlum kikoihna tau ah om khem peuh a banban in i deih pen khat khatvei pai en in i tel thei ding a, a hizong i etsa lakpan kilek kik a i telkik thei kei ding hi.

Itna (Lawmngaih) zong tua Mohlum tel mah bangin a banban in khat khat in i en pheiphei ding hi. Hih gol pen in teh i cih khat i lungsim ah i ngaihsun ding a, a hih hang, Mohlum tampi om lai ahihman in a dang a gol zaw omlai in teh cih lungnop lohna, telkhial kha leng cih ngaihsutna, kimuan ngam lohna hong om ding hi.

Mohlum a bei dek dong mah i en pheiphei ding hi. I lungsim hong la pen, gol pen ding a i ngaihsut pen khat mah i tawi sam hang, a Mohlum a bei masiah a golzaw in hong ngak lai in teh cih lungsim tawh i teh kakkak na lam in, bangmah tel zawk ding mel theilo a, a paisuak zong om kha ding hi.

Mohlum hong bei taktak ciang, a masa a ka muh mah adangte tawh kilam dang tuan kei, kei a ding in tua mah a kilawm le kituak leh agol pen hi, ci’n kisikna tawh ngaihsun a hun i beisak thei hi. Ei le ei i kimuangngam loh na tawh, a golzaw, a limci zaw om lai khak leh cih tawh i en suaksuak ding hi. A hizong, tua bang i ngaihsut hun ciang in, a gol pen i khengsuak khinta hi. (Mikhem peuh tua ci sam ken ciaa………….)

Kiteenna (Marriage)

Mohlum kikoihna mun mah ah va pai in. Hih hun ciang bel Lawmngaih hun lai dan mah in, i khen suak khak loh nading i kidawm mahmah ta ding hi. Mohlumte a banban mah in i en ding hi. A kim khat mahmah i tun ciang in i lungkim mahmah na(i lungsim hong la pen) pen khat bel i la himhim ta ding hi. Hih in ei le ei kimuan ngamna le kiupna a hihi. Tg Candle