Indonesia gamsung Tornado huihpi in nawkgawp, inn 600 val sia, mi 35 liam
Indonesia gamsung ah Tornado huihpi in nawkgawp ahih manin, mi 35 takin liamlawh uh cih Reuters pan kiza hi. East Java Province sungah zanni Thursday ni in Tornado huihpi in anawkgawp ahihi.
Tua Tornado huihpi in anawkna munte pen khuasung mipite kineh mahmah in ateenna khuasung hi a, aliam mi 35 aphak banah, innsia zong akigawm in 600 valbang siagawp cih Local Disaster Mitigation Official te’n genkhia uhhi.
Tua Tornado huihpi pen khauhmahmah a, akhauhna naikhat 70 km bangin nawkgawp hi. Sidoarjo Area sungteng Minute 5 sungkhawng nasiatak in nawkgawp in, anawkna peuhpeuhpen siacippah zikzek hi ci’n Indonesia’s Disaster Mitigation Agency ulian te’n genkhia uhhi.
Sidoarjo khuapen Indonesia gam ii leitawlam aom hi a, Surabaya sungah khuagolpen nihna “Second-biggest city” in aki ciamteh ahihi.
More: Indonesia ah papi khatin azi midangtawh muangmawh in akhe tansak
Hih Tornado huihpi hangin mi 100 valbang Elementary School ah ki hemkhiasak in, adang pawlkhat alauhuailoh zawdeuhna tepen kihemsaklo hi ci’n thunei te’n genkhia hi.
Hih kuamsungpen abeisa February khasung inzong Tornado huihpi in nawkgawp a, innbekbek akigawm in 166 Houses in siatlawh dikdek hi. Sawltak #zomidaily
Comment piaknop aomleh...