iPhone gu in sangsia te’n ngawh ahih manin aki guiawk sangnaupang numeino sita

iPhone gu in sangsia te’n ngawh ahih manin aki guiawk sangnaupang numeino sita

Malaysia, Penang ah sangnaupang numeino khat Mobile Phone agu in kingawh a, tua numeinu in guta in aki ngawhbawlpen thuakzolo ahih manin, amahleh amah alupna inndei sungah ki khailupsawm hi. Akikhai laitak, asih madeuh in apa in honkhiathei a, zato puakman himahleh khua phawkkik nawnlo in sisuak hi.

Hih thuthangpen abeisa January 24 ni in thupiang hi a, tuani akipan numeino pen khuaphawklo in zato ah akikem hi a, tuni Thursday zingsanglam in sita hi.

Tua numeino pen Form Two akah laitak, kum 14 bek aphapan khat ahihi. iPhone khat gu ci’n ki ngawhmawk ahih manin, guta in kingawhpen thuakzolo ahih manin amahleh amah aki guiawk ahihi. Aki guiawkma in laikhat gelh a, tua iPhone amangpen keiguk hilo hi ci’n laikhat nusia cihi.

Hihvai hangin mipi te solitlit uhhi. Hih numeino pen amahleh amah akithat hilo in, iPhone amangsak sangsiama nu ii thahhi “This is not a suicide, this is a murder.” ci’n Malaysian Tamilar Kural (MTL) President in numeino asih azak ciangin awngkhia hi.

Tua President pa genna ah hihvai tawh kisai in Education Department te leh Police te’n bangmah Action lalo uhhi. iPhone guhi ci’n angawh sangsiama nuzong thusitna, kankhiatna bangmah neilo uhhi ci’n genkhia hi.

iPhone gu ci’n akingawh numeino pen tuni Thursday zingsanglam 3:30am hunpawl in Seberang Jaya Hospital panin sita hi. Buaina apianzawh khua phawkvetlo in, zato ah akikem suaksuak hi a, tuzingsang in asita ahihi.

iPhone amangsak sangsiama leh apasal in hih numeino pen thusitgawp in lauthawngsakgawp ahih manin nungkal in amahleh amah aki sihbawlsawm ahihi.

Tuavai hangin abeisa ni 4 akipan Police Report kibawl himahleh tudong Police te kiangpan ahi zongin Education Department pan ahih zongin zaksakna bangmah omnailo hi ci’n makaipipa’n genkhia hi.

More: iPhone X bekbek akigawm in 25 tawh nungak khat Propose bawl

Banghang tudong daicip uhhiam? Selsimnop, imsimnop anei uhhiam? Reporters te’n adot hanginzong bangmah genkhia nuamlo uhhi. Hihpen vaithupi mahmahkhat hi. Kumpi thunei te’n amanlang in akisam bangbangin Action alak uh kulhi ci’n MTL President in zato ah genkhia hi.

iPhone khatlel hangin mihing khatin anuntakna abeilawh hilawmlawm a, khasiat huai mahmah hi. Sawltak #zomidaily