Penang ah Malaysian Police te’n namsau tawi mi 3 kaplum
Malaysia, Penang State sung aom George Town khuasung ah Malaysian Police te’n namsau atawi mi 3 kaplum cih NST pan kiza hi. Tanjong Bungah, Puncak Bukit Mutiara sungah tuni Saturday zingsanglam in thupiang ahihi.
Tua Malaysian Police te’n akaplup mi 3 tepen avek un kum 30 gualpawl hiding in ki ummawh a, tuaban ah avekmah un gamdangmi Foreigner vive hiding kici hi. Zingsangtunglam 5am hunpawl in buaina apiang hi a, Police te’n thautawh akaplup uh ahihi.
Athu akigenna ah tua gamdangmi Foreigners mi 3 te’n Tanjong Bungah vengsung aom innkhat buluhsawm uhhi. Tuaciangin tua vengsung ah ateeng numei khatin Emergency Call bawlpah a, tuaciangin Police te’n aphual ah amanlangin adelhpah uh ahihi.
Video: Police shot dead three men during an encounter at Puncak Bukit Mutiara, Tanjong Bungah here this morning. The three men – believed to have been foreigners in their 30s – had charged at the policemen with parangs in the 5am incident. The policemen had been responding to an emergency call by a female resident in the area that prowlers were attempting to break into her house.
Police te aphual ah atun uhciang innbuluhsawm mi 3 tepen ageinai aom gamsung ah taimang vingveng uhhi. Police te’nzong gamsung ah delhpah uh a, tuabangin matding in adelh laitak un innbuluhsawm mi 3 te’n namsau tawh Police te’n lehdosawm uhhi.
Tuaciangin Police te’n acihnading theilo in thautawh akaplum uhhi ci’n Deputy Chief of Penang’s Criminal Investigation Department (Intelligence/Operations) Assistant Commissioner Rahimi Raais in genkhia hi.
More: Malaysia, Penang ah Myanmar gammi 2 zukhamsul in kitawng in khatpa kidawtlum
Tua innbuluhsawm gamdangmi 3 te ii amin apuam pen kitheician nailo in, aki kansan laitak ahihi. Ahi zongin tua guta damiah tepen Penang, East Coast vengsung aom atawmpen inn 8 peuhmah abuluhkhin te hiding in ki ummawh uhhi.
Forensics Team te’n tua aki kaplum guta mi 3 tepen sicianna bawlding uh cih kiza hi. Sawltak #zomidaily
Comment piaknop aomleh...