Syria gam a Rebel te ukna ah datsi pua Truck puakkham, mi 49 kiim si

Syria gam a Rebel te ukna ah datsi pua Truck puakkham, mi 49 kiim si

Jan. 8, 2017: Syria gam-a kumpi lehdote (rebels) ukna Syria-Turkey gamgi a om Azaz khua-a sumbuk kiangah namgimtui/datsi puakna truck (fuel truck) puakkham a, mi 48 kiim a sih banah mi tampi in liamna tuak hi. Mi si kibehlap lai dingin ki-ummawh a, a fuel truck pen a keh manin a puakkham dingin ki-ummawh hi ci-in UK-based Syrian Observatory for Human Rights (SOHR) in pulak pong hi.

Azaz khua pen Turkey huhna a piak leh US in a gup kumpi lehdote (rebels) Free Syrian Army (FSA) kicite ukna hi a, FSAte zong mi 14 si kha uh hi. Activist groups dangte leh Azaz Media Center in bel mi 50 si a, tua datsi puakna mawtaw naikal nih sung kuang hi ci uh hi. A mawtaw puakkhapna pen Syrian Observatory in rebels ten a ukna local court kong lian hi ci hi.

Al Jazeera reporter Hashem Ahelbarr in Turkey khuapi Gaziantep (Syria gamgi) panin a genna ah tu dong kuamah in hih datsi puakna mawtaw ko puahsak hi ci nai lo uh hi ci hi. Azaz pen khuapi poimawh mahmah hi a, 2013 dong ISte ukna hi ahi hi. Free Syrian Army (FSA) rebels ten a lakna uh sawt nai lo hi ci-in gen beh hi.

Azaz khuapi nitumna lam a uk Syrian Kurdish forces kici rebelste ukna hi a, amau zong Azaz khuapi la nuam uh ahih manin Turkey galkapte tawh kikaptuah den uh hi.

More: Singapore Changi Airport sungah numei khat kum 8 sung teengcip

Syria gam-a buaina leh tualgal pen March 2011 in US in Syria kumpi Assad laih khiatna ding ngimna tawh rebelste galvan, sum leh training tawh huhna hong piak manin hong kipan a, tu dong hih buaina hangin mi 310,000 val in sih lawh khin zo ta hi. Source: Al Jazeera and news agencies/ Thang Khan Lian