Inntungpan atuahsawm nupikhat apasal in asampan manin honkhia

Inntungpan atuahsawm nupikhat apasal in asampan manin honkhia

China ah nupikhat innsangdawnpan Suicide dingin atuahsawm laitak apasal in anunglam panin asam tuktum pan namankha bilbel ahih manin akiatsukding pan honkhiathei cih South China Morning Post pan kiza hi. China, Shiquan County, Shaanxi Province sungah Sunday ni thupiang ahihi.

Tua nupinu pen inndawn panin alenkhiatlian laitak in apasal in asam panin nalenkhia a, ahuhding in Police te atunma Minute 3 sungbang asampan lencip hi. Apumpi pen innsangdawn ah kikhai lenglai in, akhe in Pipe khat sikkha bilbel ahih manin kiasuaklo in kilen cipsuak uhhi. Police te atun ciangin amau huhna tawh ki kaikhia, ki honkhiathei uhhi.

Nupinu pen kum 30 gualpawl hi a, atuahsawmna innpen Pi 65 (20 Meter) bang asang ahihi. Hihte nupa in innsangdawn penpen ah aom uh cihi.

Zuo Yu kici Police Officer pa ii genkhiatna ah “amun katun uhciang in nupinu pen apasal in adek tuktum sampanin man hi. Ahi zongin akhutte khamtuak mahmah a, akhutpan khahsuah dekdekta hi. Themciklik ziakailai hile ung, apasal in lenkip zonawnlo in azipen anuai ah kiasuk tading hi ci’n genkhia hi.

Palik pa genbehna ah nupinu ii apumpi pen Pipe tungahzong ki ngahkha ahih manin, apasal in asampan in alenkipzo cihi. Azi in ahihleh “hong khah lel in” ci’n kitom in awngsuasua cilaideep hi.

Newspaper te genkhiatn ah mihingsam zang 2000 in 30kg agik khouhzo ci a, ahi zongin asamzang in akhouh zongin aluvun cidamna, khauhna tawhzong kisaiding cihi. Ukdan zong atuamtuam hi ei maw ZD Sawltak #zomidaily