Innkuan sungah Pate guallelh theihna

Innkuan sungah Pate guallelh theihna

1. Zi le Ta om gige Lawmngaih neite, pumpi kem zolo Pate Guallel

Numeite in a sih dongin Silh leh ten deih in Pasalte in a sih dongin Numei melhoih paak ta hi ki ci hi. Tua man hi ding hiam David damlo si ding zi kiguan lai mawk hi. Paakta cih ciang pen mawhna hilo a zi le ta angpan lawmngaih neih le midang tawh pumpi om khopna pen Pasian deih hetloh thu a hihi. Mikim in a ut loh a deihloh thu a hi hi. Tua manin innkuan sungah a val, nang thunei pen ding Pa guallelin thu nei zolo in a val na hihi.

2. Innkuan makaih loin utbang a gamta Pate Guallel

Innkuan a liah a dang ding, makaih ding pen Pate hi. Biakinn leh kikhopna te a paipih den ding Pate hi. Sum le paai zeek ding Pate hi. Zaktak baang ding, etteh hoih hih ding pen pate tavuan taktak a hihi. Sum le paai thalawh na pi zite taten theipihlo, zukham den, thudot theih loh, sumzatna ah paubaan om den Pate guallel hamtang hi. Bang hang hiam cih leh muantak lo, muanhuai lo, thudot taaklo, belh tak kisa khollo a hih man ahihi.

3. Nute Zite Siamlah manin Pate Guallel

Nute pen Pate sangin ki-it kingai zaw hamtang hi ci leng kikhial ngeilo hi. Nute in thu khat peuhpeuh ah “Na Pa dongin, hoih a sak leh pai in, lei in, sem in “ cih tangtang ding hoih hi. Tate zaknin Pasal mawhsak den, “ Na Pa theisak peuh mah kei un “ cih dan makaihna mun ah Pate guallel in lunggim mahmah thei uh hi. Nute Zite in tate tawh thusim tuamneihna ah nopna omlo hi.

4. Nu paktat Zi Paktatna hangin Pate Guallel

Nupi pawlkhat, zi pawlkhat in facebook, messenger, viberte pan ki hopih leh nungak dan in om mawk uh hi. Pasal neilo bangkekin kamsiam duldul zaw mah lai uh hi. Tua thute Pasalte in a theih ciang tai in hilh leh lehtat in “ “na pa in ong ngai kei, tate na om man vua a thuak tentan hing” ci in tate tungah a kihehpih huaisak nute pawl khat om hi. Tate lungsim Nute in zozaw a hih manin innkuan sungah Pa in thu nei zo lo hi. Thu kimang zolo hi. Tua hangin Pate Guallel thei uh hi. Sia Thangboih