Bangkok khuasung Bus tungah numei te nawi ameksaksak pasal khat kiman

Bangkok khuasung Bus tungah numei te nawi ameksaksak pasal khat kiman

Thailand, Bangkok khuasung kikawmna in akizang mipi tuanna Bus tungah numei 30 phial bangin anawi ameksak kawikawi pasalkhat palik te’n mankhia uh cih The Nation News pan kiza hi. Tua numei te nawi ameksak kawikawipa pen amin Peerapol Yodcharoen kici a, kum 36 aphakhin khat ahihi.

Peerapol Yodcharoen pen Bangkok Airports sungah nasem, Tourism Greeter asemkhat ahihi. August khaleh November kha kikal Bangkok Bus tungah numei akigawm in 30 phialbang ii anawi meksak kawikawi ahih manin, anunung ah kitheikhia in akiman ahihi.

Hihvai tawh kisai in palik thunei ahi Senior Police Officer khatin agenna ah tua nawimek kawikawipa pen kimankhinta a, kamawh mahhi ci’n amawhna kipulak cihi. Numei te amuh ciangin akhutpen omsip theilo in, amek sakzelkha kahihi ci’n genkhia cihi.

Hihpa ii gamtatna pen abeisa November 26 ni in Video kizaihkha a, Facebook tungah ki khahkhia ahih manin, Social Media tungah ki thehzakpah hi. Nawimek athuaknu “Victim” pen University kum 4 na akah laitak “fourth-year university student” khat kici hi.

Bang Sue Precinct ah hihvai tawh kisai in Press Conference akibawlna ah City police deputy chief Pol Maj-General Sompong Chingdoung in athupiangzia teng genkhia hi.

Numei khatin Facebook tungah November 26 ni in hihpa gamtatna apulakkhiat khitciangin adang “Por” akici numeikhat inzong hihpamah in August 08 ni in Bus tungah kanawi hongmeksak hi ci’n genkhia cihi.

Video: Man arrested for serial sexual assaults on Bangkok buses

Tuanu inzong Police Report bawlpah in, Police te’n tuapa pen akankan laitak in Facebook tungah agamtatna ki khahkhia a, tuateng tawh Tambon Bang Poon of Pathum Thani’s Muang district sung aom aomna innpan in akimankhia cihi.

Police te’n hihpa pen amatkhit uhciangin thusitna nei uh a, abeisa April khasung inzong Don Muang Bus Stop ah hihbangdan gamtatna hangtawh kiman ngeikhin cihi.

More: Myanmar gammi khatin numeikhat anawi meksak ahih manin thong kha 9 kiading

Bangkok Bus tepen mi dimcipden, kigakcipden in, hihbangdan ki bawlsiatna Sexual Harrassment omthei zelzel hi.

Hihpa pen akilawmlo in gamtatna “Indecent Act” tawh thu kibawlding a, kum 10 sungbangzong thongkiathei, liausum zong Bt20,000 (US$613) bang ki liausakthei cih kiza hi. Sawltak #zomidaily