Thuthak tomkim ~ The Tedim Post (02 Sep)

News In Brief: Thuthak tomkim ~ The Tedim Post (02 Sep)

Tan 9, Tan 10 te ading TV pan lai hilhna October kha pan kipan ta ding ci hi. MRTV, MRTV-4, MWD, MNTV Channel te pan manpiak kullo in ki khah khia ding hi, ci-in Pilna lam Deputy Director General Dr. Tin Maung Win in gen hi.

Covid-19 natna hang a nuntak zia nop tuam nading in Myanmar gam kumpi nasemte in Khasum kha 2 ai summet lakloh in ki leitawi thei ding ci hi.

August 10 pan August 21 ni kikal Rakhine State pan Yangon a ciah mimal 5300 lakpan report a pia mi 757 bek pha in report pialo mimal 4000 val bang om lai ci hi.

Yangon Division sungah Covid-19 natna ngah hong kibehlap tohtoh na hangin Township 7 ah Semi-Lockdown kibawl ci hi. Hih Semi-Lockdown thukhun ah a pualam pusuak lo a Inn ah om ding(Kumpi nasem, Company nasem te kihello), van lei ding inn khat pan khat bek pai na ding, Zato kilakna ah inn khat pan 2 bek in zui thei ding leh muktuam(Mask) bulh hamtang ding cihte kihel hi.

Covid-19 natna leh 2020 Kiteelpi hangin mualtung thautawi kipawlna 3 ahi Nothern Alliance (MNDAA, TNLA leh AA) in September 1, 2020 ni pan November 9, 2020 ni dong kido/kikapna ka khawlbawl phot ding uh hi, ci-in tangko khia uh hi.

September 1, 2020 ni Leitung bupah Covid-19 natna ngah Tein 250 val(25,540,888), asi Tein 8 val (851,781) leh adam kik Tein 160 val (16,865,101) phata hi.

More: Naupang 3 bualtui sungah tuikia in asihna CCTV ki khahkhia

Japan Company Skydrive in mawtaw lengthei sinna August 28 ni in nei a, 2023 Kum ah tangzai takin kizang thei ta ding ci hi. Source : 7day news, , RFA, Eleven Media, The Myanmar Times, Irrawady News.
Thukai khawm : Lia Lu Lun, Lia Shang Shang.