GrabCar sungah nausuak ahih manin akhantawn Grab amawkin tuangtheiding
Malaysia gamsung GrabCar tungah nupi naupaai khat nausuak citciat ahih manin, tua naungek pen akhantawn Grab Company te’n GrabCar amawkna in tuantheihkhuan “Free rides for life” pia uh cih theStar pan kiza hi.
Grab Company te’n Saturday zingsang in amau Facebook tungah agelhkhiatna ah tua GrabCar ahawl pen numeikhat hi a, aminpen Grace Nesamani Raju ci uhhi.
Nupi naupaai khat zanni in Hospital ah Check-up kibawlding in apailaitak kamkal ah asuak hi a, naungek pen pasalno cihi.
GrabCar Driver nupen nau asuahkhiat ciangin bangmah patau, lauthawnggawp cih omseselo in, lungduaitak leh lungdaitak in naungek leh anu Hospital ah paipihsuak theihi.
Driver-partner Grace Nesamani Raju ii vaihawm gamtatzia pen kakipak mahmah uhhi ci’n Grab Company te’n genkhia uhhi.
Hihzah in alungdamhuai thuhoih pen pahtawina in tua naungek akhantawn GrabCar amawkna “LIFETIME of FREE” tuantheihkhuan kipia hi ci’n Grab Company te’n pulakkhia uhhi.
Tua nupi naupaai pen Bukit Bintang panin Sentul Medical Center ah akilakding, Check-up bawlding in apai uh ahihi. Naupaai nupinu pen apasal leh alawmte numei khatinzong zui uhhi.
Nau asuahding pen maikalsung ah Due Date hipan himahleh lametlohpi in GrabCar sungah suakkhiaziau hi.
Asuakkhiat madeuh sungteng pen mawtaw awkcip, Traffic Jam cip laitak hisawnsawn hi. Nupinu pen thakhatthu in hong awnggawp cihi.
Related: Grab Taxi hawl pasal khatin Passenger numeikhat buan, palik te’n mankhiapah
Tuaciang in GrabCar Driver nu’nzong mawtaw pen zato alutnading amai ah khawlsak in, tualaitak in GrabCar sungah nau asuak cihi. Nausuah veve, GrabCar sungah nau asuahkhak citciatzong ametnakhat cihtheih hibilbel hi.
Naungek in akhantawn GrabCar amawkna in tuantheihkhuan anei himawk ahih manin, asuahcil akipan sum azongtheipah cihtheih ahihi. Sawltak #zomidaily
Comment piaknop aomleh...