Indonesia gamsung ah guaktang in avak numei khat kiman

Indonesia gamsung ah guaktang in avak numei khat kiman

Indonesia gamsung ah numei khat guaktang dekphial in vanlei in zatuisai khatah pai ahih manin palik te’n man cihi. Tuabang in vanlei in apai laitak lamdang kisa ahih manin amukha te’n Video zaihpah uh a, Online Social Media tuamtuam ah ki thehzak pahhi.

Tua numeinu pen kum 26 aphakhin khat ci a, numei bombi sungteen “Thongs” akici atawsung ah alutto gawpliang te khatbek teengin atunglam ah bangmah silhvetlo in Pharmacy khatah vanlei in apai ahihi.

Zannitak in Jakarta Police te’n tuanu pen aomna South, Jakarta, Setiabudi sung aom Apartment panin mankhia uh cihi. Jakarta Police te’n thudotna neinuam uh ahih manin kemphot uh cih kiza hi.

West Jakarta’s Crime Investigation Unit pan ulian khat ii genkhiatna ah tua numeinu pen kuahiam cih Identity aki theihcian khitciangin Jakarta Police te’n mankhiata hi ci’n genkhia hi.

Tua numeinu pen abeisa Friday ni zanlam in West Jakarta, Tamansari District sung aom Pharmacy khatah Cajuput Oil kici Indonesian staple topical medication khat alei in apai cihi.

Monday nitak ciangin Indonesia, Jakarta khuasung lampi tungah numei khatmah nawituam “Bra” bek silhin adangteng guaktang in avak laitak Video Clip khat ki khahkhia leuleu hi.

More: Indonesia, Bali Airport ah numei khatin Bomb kapua ci’n ciamnuihkha ahih manin kiman

Tua Video Clip nihte Jakarta Police te’n asitcian uhciang in anungzang ah Tattoo kibanglian ahih manin, ami kibang hiding cih theikhia uh cihi. Tuaciang in tua numeinu pen zannitak in akimankhia cihi. Banghang in guaktang in vakkawikawi cihpen athu akician in pulakna omnailo hi. ZD Sawltak #zomidaily