Indian American Rajiv Shah “Rockefeller Foundation President” thakding in kiseh

Indian American Rajiv Shah “Rockefeller Foundation President” thakding in kiseh

Jan. 6, 2016: Kum 42 mi Indian American Dr. Rajiv J. Shah pen The Rockefeller Foundation president thak dingin kiseh (appointed) ta a, amah pen Indian American lak panin hih foundation president masa pen suak hi.

“A tamzaw in Dr. Raj pen Trustee ahih kei leh USAID Administrator leh Bill & Melinda Gates Foundation ah sem ngei hi ci-in na thei ding uh hi. The Rockefeller Foundation president ding pen a zonna ah kidemna nasia mahmah (very competitive search process) hi.

Amah tawh na a sem khawm ngei ten a kipiakzawhna leh a nasepkhiat zia na tel ding uh hi. Hih banga institution lian-a nasem dingin amah sangin a hoihzaw ding kuamah om lo dingin ki-um ahih manin Raj Shah pen president thak dingin kiguang hi,” ci-in The Rockefeller Foundation Board Chair Richard D. Parsons in press statement ah gen hi.

“Raj in a beisa in public, civil society leh private sectors ah nasem in leitung mun tuamtuam humanitarian crises buaina nasia diakte ah huhna nasem in, 2010 in Haiti gam-a ziinling hangin dongtuakte leh 2014 West Africa ah Ebola natna hanga dongtuakte huhna lianpi sem hi.

More: Kum 15 mi bekin NASA te leh Pentagon te thusim Hack sak

Rockefeller Foundation ah zong na hoih sepna lahkhiatna leh a ettehna tawh hong makaih ding i ngak hi,” ci-in Parson in gen beh hi. Raj Shah in March 1, 2017 panin Rockefeller Foundation president len ding hi.

Rockefeller Foundation in economic development, education leh social justice leh a tuamtuam lamsang funding pia na hoih sem hi. Source: theindiandiaspora.com/ Thang Khan Lian