India gamah pasal khatin naupang kum 7 khat thatin asa ne

India gamah pasal khatin naupang kum 7 khat thatin asa ne

India gamsung ah mihingsa ane khat kiman cih Hindustan Times pan kiza hi. Tua mihingsa anepen pasal guihtheih khamtheih zatui azangzangkhat hi a, amin pen Nazim Miyan kici hi.

Northern India, Uttar Pradesh sungah Wednesday ni in thupiang ahihi. Naupangno kum 7 bek aphapan khat alawmte tawh kimawl in aomlaitak Nazim Miyan in zolkhia a, kuama omlohna inn kinusiacip sungkhat ah paipih cihi.

Tua innsung ah naupangno pen a ngawng tansak in, aliang, akhut, akhe cihbang in atuamtek in tankhiatsak khitciang in asa ne cimawk hi. Tua innsungteng silehnai tawh kidim in, mithatpa zong akamgei khawngah sisan bangkawikawi cihi.

Hihvai aom ciangin avapaikha Police Officer pa ii genna ah aluanghawm pen leilak ah kikoih in, alu pen agei ah tuam om cihi. Naupangno athahlup pen agilvun khawng omnawnlo in, agilzang teng leh silehnai kithehthang gawp in lipkhap huai mahmah cihi.

Police Officer pa alut ciangin bangmah na lehdosawmlo in baihtak in mantheipah hi. Tua innsung panin tua mithatpa ii zat hiding in aki ummawh temta leh kawbia (Shovel) zong ki mukhia hi.

Mithatpa Nazim Miyan pen kum 20 gualpawl hi a, athah athuak naupangno pen Mohammad Monis kici minnei khat ahihi. Tua naupangno pen alawmte tawh kimawl in aomlaitak azol khiat kici hi.

Mithatpa pen ageinai aom Police Station ah kipuak ah, migu leh mithat “Murder and Abduction” tawh thu kibawlding cih kiza hi.

Naupangno ii apa in agenna ah “Mihing zong hiken teh, dawi hi. Mawhna neilo naupangno khat thatbek thamlo asa ne lailai. Hihbangdan mihing adang omken teh” ci’n genkhia hi. ZD Sawltak #zomidaily