India ah numei khat asi nailopi zato te’n sikhin ci ahih manin meitawh kihal kha

India ah numei khat asi nailopi zato te’n sikhin ci ahih manin meitawh kihal kha

India ah numei khat asi nailopi zato te’n sita ci uh ahih manin, ahingtang in mei kihal lumkha cih Metro News pan kiza hi. Tua numeinu minpen Rachna Sisodia kici a, kum 24 aphakhin khat ahihi.

India, Uttar Pradesh State, Greater Noida sung aom Sharda Hospital ah zato alum hi a, Medics te’n Lung Infection tawh sita hi ci’n genkhia uhhi. Hih numeinu pen pasal aneikhinkhat hi a, apasa pen kum 23 aphakhin Devesh Chaudhary kicikhat ahihi.

Sharda Hospital panin Medics te’n February 25 ni in azi sita ci uh ahih manin, apasal inzong aluanghawm zingsang 1:27am hunin ciahkhiatpih hi. Mawtaw tawh nainih khawng akipaina Aligarh kicina munah alawmte tawh azi’ luanghawm vuiding in paipih uhhi. Zingsang 8am hunpawl in azi’ luanghawm pen meihalna ah puak uh a, meitawh hal uhhi.

Meitawh ahalkhit tawlpikhat khitciangin tua numeinu pen sinailo cih mikhat in theikha in meikuang panin aluang kaikhiakik uhhi.

Ahi zongin apumpi tangnawnlo in, nuntakna neinawnlo hi. Doctors te’nzong aluanghawm Post-mortem bawlkik uh a, a awmsung huihdikna Windpipe leh atuap sungah meikhuvui pawlkhat mukhia takpi uhhi. Asi taktak hi in, anatlo hileh tuamunte sungah aluttheih nading thu omlo ahih manin, asinailo in mei aki hallumkha hitakpiding cih ki mukhia hi.

Siavuan nih in sitcianna nei uh a, asihna taktakpen Lung Infection hilozaw in, ahingtang in meitawh kihal ahih manin, laulua in asi hizaw hi cimawk uhhi.

Police Spokesman khatinzong mipen ahingtangpi in kihalleh atuap leh Windpipe sungah tuabangdan meikhu te luttheimah hi. Huih adik laitak in alutto ahihi. Akihal pen asitaktak hileh Lung leh Windpipe sungah luttheih nading omlo hi ci’n gencianna neihbeh hi.

Tua ahih manin hih misi pen ahingtang in akihal manin asi ci’n ki ciamteh mawk hi.

Asinu ii ameltheih te khat ii genkhiatna ah alawmpa leh adang pasal 11 te’n hihnu pen buanhuan in athat uhhi ci’n genkhia taleuleu hi. Hih misinu pen nungkum December 13 pekin amangthangcip hi cileuleu hi. Palik te’nzong tuabang agenna te hoihtak ciamteh uh a, ahi zongin tualak ah akihel pasal tepen kuamah kimannailo cihi.

More: India gamsung zatdeuhding Washing Machine ah “Curry Mode” kikoih

Doctors te’n asinu ii aguh themkhat DNA Test bawlnading in la uh a, Police te kiangah ap uhhi. Ahi zongin tua DNA Test pen a Result cikciang ki ngahtheiding cih genkhialo uhhi. ZD Sawltak #zomidaily